Ubutukilo 18:19 - MUKANDA USANDU WA ZAMBI 1975

¹⁹ Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Mukanda Wa Zambi 1970

¹⁹ Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Ubutukilo 18:19 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 17:9

Zambi yamba kuli Apalahama nawa ngwenyi, Ni yena ukafunge usendo wami, ni yena ni munyachi we kulutwe lia yena nawa ndusu yisemuko yo yeswe.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

2 Samuel 22:22

Mumu hingunafungu majila ja Yehova, chehukile Zambi yami ni ungulungulu.

2 Samuel 7:20

Mba yami David yika munguhasa kwamba kuli yena? Mumu yena Mwene Yehova unanyingika kavumbi ke.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 14:3

Yachiza yilumbilo ya yilambala ni manangamo, yapalwola tuponya, ni kutetateta Ashera.

Nehemia 9:7

Yena uli Yehova, mwe Zambi. Watongwele Apalama; wamuchijile ku Ure ya A-Kaletea nikumwaha jina lia Apalahama.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 11:4

Yehova mwali mu tembele yenyi yisandu. Ngunja ya Yehova mwilu yili. Meso jenyi ni yindayizo yenyi kuyakutala, kuyakweseka ana ja atu.

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Yishima 22:6

Fumba mwana mu jila yize chamutamba kuya, mba muze mapwa mukulwana kechi kuyihichika.

Izaya 38:19

Wa mwono mwe wa mwono kakukusakwila, chize yami ngunalingi musono. Mutu kakulumbunwina mwanenyi umwenemwene we.

Alevi 14:42

Mba makanda mawe akwo akasalakane mawe aze. Makashingula nawa ni mavu a kusalakana mavu aze hambila.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Mateu 25:17

Chizechene nawa yoze watambwile jiali, wafumbwile mbongo jikwo jiali.

Yoano 10:14

Mwe kafunga mupema yami, ngunanyingika waze niami, ni waze niami kanangunyingika,

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yilinga 27:31

Paulu wambile kuli kapitau ni maswalale ngwenyi, nyi wano kasalile mu ulungu, yenu kunwahashile kulilamwina.

Efesu 6:4

Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.

Shimbi 32:46

yamba kuli ayo ngwenyi, Selenu mbunge jenu ku maliji eswe ngunanushindakenyo musono. Munukaamba ana jenu, mukukanyama kulinga maliji eswe a shimbi yino.

1 Timoteu 3:12

Kavumbi akapwe lunga lia pwo umuwika, kanayulu ana jo, ni mazuwo jo kanawa.

2 Timoteu 1:5

ha kwiwuluka Ufulielo uze kuushi ulembekese, uze uli muli yena; uze wene watwamine hatangu muli kakenu Loye, ni muli noko Uhise mba ngunakunuka ngwami, Watwama muli yena nawa.

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

2 Timoteu 3:15

ngwe chize ku ukemba we hiunanyingika je sona jisandu jize jinahase kukufumba mana mukuzuka ulamwino ku Ufulielo uze uli muli Kristu Yesu.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Akwa Kuyula 13:12

Manoa yamba ngwenyi, Muze maliji je meza kumanunuka, kuchi chatamba mwe mwana-lunga kupwa? Yika malinga?