Ubutukilo 18:14 - MUKANDA USANDU WA ZAMBI 1975

¹⁴ Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Mukanda Wa Zambi 1970

¹⁴ Kuli chimwe Chuma chize Zambi machisa kenu, nyi? Ngwe chize hinamba kulu ngwami, ha mwaka uze muwiza ho Sara makasema mwana wa lunga.”

Ubutukilo 18:14 Iomraidhean Croise

Ubutukilo 17:16

Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 17:21

Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Ubutukilo 18:10

Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi.

Ubutukilo 18:13

Yehova yamba kuli Apalahama ngwenyi, Sara kuchi te anasehe ngwenyi, Te yami kashinakaji mungusema mwana?

Ubutukilo 18:15

Mba Sara yalikala ngwenyi, Chasehele. Mumu woma anevu. Alioze iye ngwenyi, Ka, waseha.

Ubutukilo 21:1

Yehova yanangisa Sara ngwe ambile. Yehova yalinga ni Sara ngwe ahanjikile.

Ubutukilo 21:2

Mba Sara yaka ufumba, yasemena Apalahama mwana wa lunga mu ushinakaji wenyi, ha mwaka uze Zambi wamulakenyene.

1 MIANANGANA 4:16

Profeta yamba ngwenyi, Ha kakweji yono, muze mwaka waheta nawa, kumukakwata mwana wa lunga. Pwo yamba ngwenyi, Hi chocho ko mwata wami. Ena uli mutu wa Zambi, kanda uhanjika mahuza kuli yami kavumbi ke.

Jobe 36:5

Zambi aye mukwa ndundo alioze kalelesele niumwe; iye mulemu ni tachi ni yinyingi.

Jobe 42:2

Ngunanyingika unahase kulinga yuma yeswe, nichimwe chuma muchifuwa chize mupala kulinga.

Miaso (Masamu) 90:13

Hiluka kama Yehova! Ndo mwiji muka? Uchilikonyeke kama ha kutwala kuli tuvumbi twe.

Miaso (Masamu) 93:1

Yehova kanayulu. Hazala uhenya wa mwanangana. Yehova hazala; halijichika tachi. Hashi hanahajikijisa kuheshi kulinyika.

Miaso (Masamu) 95:3

Mumu Yehova iye Zambi munene; iye mwanangana munene helu lia mazambi eswe.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 32:27

Yami nguli Yehova Zambi ya atu eswe a musunya. Chimwe chuma muchingukalila naye?

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zakaria 8:6

Yehova-wa-Tujita kanambe ngwenyi, Nyi muchipwa chikomokeso kumeso ja masalila ja atu ano ha matangwa ano, muchipwa nawa chikomokeso kumeso jami? Chocho kanambe Yehova-wa-Tujita.

Kwalula 11:23

Yehova yamba kuli Mose ngwenyi, Te kwoko lia Yehova hiliahiha nyi? Haliapwila munyingika shina mungumanununa liji liami, nyi shina ka.

Mateu 14:31

Haze hene Yesu wolwele kwoko lienyi, wamukwachile, yamba kuli iye ngwenyi, Yena mukwa Ufulielo ukepe, kuchi te wayambashana?

Mateu 19:26

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.

Marku 10:27

Yesu nikwatala yamba ngwenyi, Kuli atu kenu machisa, alioze hi kuli Zambi ko: mumu yuma yeswe yinahase kupwa kuli Zambi.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:18

Zakaria wambile kuli mungelo ngwenyi, Neka mungunyingika chino? Mumu nguli mukulwana, ni mukwetu-pwo miaka yenyi hiyoka.

Luka 1:37

Mumu ni Zambi nichimwe machisa kenu.

Luka 8:50

Alioze Yesu ha kuchivwa, wamukumbulwile ngwenyi, Kanda wivwa woma; fuliela lume, iye kumakamupwisa mungunu.

A-ROMA 4:21

Se kanajikiza ngwenyi, Cheswe Zambi hanalakenya kumahasa kuchilinga.

Efesu 3:20

Haliapwila kuli yoze wakuhasa kulinga kuhiana chikolo chize cheswe mutwita, hanji mutunyonga, nikulita ni tachi jize jakulinga muli yetu,

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Filipu 3:21

Mwenawo kumakalumuna mujimba wetu wa ulelu hanga ukalifwe ni mujimba wa uhenya wenyi, nikulita ni kulinga chize kanahase nacho kuzeyesa chipwe yuma yeswe kuli iye mwene.

Filipu 4:13

Kunahasa kulinga yuma yeswe muli yoze wakunguhashisa.

Hebreu 11:19

se kanashinginyeka ngwenyi, Zambi kanahase kumuhindwisa, chipwe hahachi ka afu, muze mwene nawa ngwe mu Chizulie wamutambwile.

Akwa Kuyula 13:3

Mungelo wa Yehova yasoloka kuli mwe pwo, yamba kuli iye ngwenyi, Uli mumba; ana kushi no, alioze kumukapwa ni ufumba, kumukasema mwana wa lunga.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.