Ubutukilo 18:11 - MUKANDA USANDU WA ZAMBI 1975

¹¹ Alioze Apalahama ni Sara te hapwa makulwana, miaka yo yoka, te ndako ya mapwo hiyalitwamina kuli Sara.

Mukanda Wa Zambi 1970

¹¹ Abrahama ni Sara te habwa kulu tushinakaji kuhiana, Sara te kahashile nawa kusema mwana.

Ubutukilo 18:11 Iomraidhean Croise

Ubutukilo 17:17

Henaho Apalahama yafulamana ha meso jenyi, yaseha, yamba mu mbunge yenyi ngwenyi, Te kumakasema mwana kuli yoze hapwa ni kulakaji lia miaka, nyi? Te Sara meza kusema, hapwa ni makumi livwa a miaka nyi?

Ubutukilo 17:24

Apalahama te kali ni makumi livwa a miaka ni miaka livwa muze amupwishile ngalami mu musunya wenyi.

Ubutukilo 21:7

Yamba nawa ngwenyi, Iya te wanyongene kwamba kuli Apalahama ngwenyi, Sara meza kwamwisa ana? Mumu hinamusemena mwana mu ushinakaji wenyi.

Ubutukilo 24:1

Apalahama wapwile mukulwana, miaka yenyi hiyoka. Yehova te hawahisa Apalahama mu yuma yeswe.

Ubutukilo 24:36

Mba Sara, mukwo-pwo wa mwata wami yasema mwana wa lunga kuli mwata muze te hapwa mukulwana. Kuli mwanenyi Apalahama hahana yuma yeswe apita.

Ubutukilo 31:35

Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.

Alevi 15:19

Muze pwo majila kumakapwa mu kuhandunuka chenyi matangwa shimbiali. Mweswawo mamukwata mapwa wa luchisa ndo chingoloshi.

Luka 1:18

Zakaria wambile kuli mungelo ngwenyi, Neka mungunyingika chino? Mumu nguli mukulwana, ni mukwetu-pwo miaka yenyi hiyoka.

Luka 1:36

Mba musonye Izabele, iye nawa hanaseseka mwana-lunga ha ushinakaji wenyi; ni yono mwe kakweji wamuchisambano kuli yoze amuvulukile ngwo, Mumba.

Luka 1:7

Alioze kapwile ni mwana, mumu te Izabele wapwile mumba, no eswe aali miaka yo hiyoka.

Hebreu 11:19

se kanashinginyeka ngwenyi, Zambi kanahase kumuhindwisa, chipwe hahachi ka afu, muze mwene nawa ngwe mu Chizulie wamutambwile.

Yoshua 13:1

Mba Yoshua hapwa mukulwana. Miaka yenyi hiyoka. Kashika Yehova yamba kuli iye ngwenyi, Uli mukulwana, miaka ye hiyoka, hindu kwasala chifuchi chinene kuzuka.