Ubutukilo 18:10 - MUKANDA USANDU WA ZAMBI 1975

¹⁰ Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi.

Mukanda Wa Zambi 1970

¹⁰ Umwe mutu yamwamba ngwenyi: “Mungukahiluka ha mwaka uze muwize ho, mba mukwenu pwo Sara makasema mwana wa lunga.” Kuma te Sara kanamana kunyima lia chajilo, kanevu yeswe yize te anambe,

Ubutukilo 18:10 Iomraidhean Croise

Ubutukilo 16:10

Mungelo wa Yehova yamba kuli iye nawa ngwenyi, Mungwokesa akwa munyachi we, kechi kahasa kwaalula ha wunji wo.

Ubutukilo 17:16

Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 17:21

Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Ubutukilo 18:9

Yamba kuli iye ngwo, Mukwenu-pwo Sara kulihi ali? Ngwenyi, Mu mbalaka ali.

Ubutukilo 21:1

Yehova yanangisa Sara ngwe ambile. Yehova yalinga ni Sara ngwe ahanjikile.

Ubutukilo 21:2

Mba Sara yaka ufumba, yasemena Apalahama mwana wa lunga mu ushinakaji wenyi, ha mwaka uze Zambi wamulakenyene.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Galashia 4:23

Alioze yoze wa kuli ndungo wa pwo, wasemukine nikulita ni musunya; alioze yoze wa kuli pwo mwenya chifuchi, wasemukine ku chilakenyo.

Galashia 4:28

Achi, yetu, mandumbu, chizechene ngwe Izake, tuli ana a chilakenyo.