Ubutukilo 17:9 - MUKANDA USANDU WA ZAMBI 1975

⁹ Zambi yamba kuli Apalahama nawa ngwenyi, Ni yena ukafunge usendo wami, ni yena ni munyachi we kulutwe lia yena nawa ndusu yisemuko yo yeswe.

Mukanda Wa Zambi 1970

⁹ Zambi yambila Abrahama ngwenyi: “Yena ni vungu lie ni waze maakasemuka kulutwe, chanutamba kufunga Usendo uno.

Ubutukilo 17:9 Iomraidhean Croise

Ubutukilo 17:23

Mba Apalahama yatwala mwanenyi, Ishemali ni waze eswe asemukine mu zuwo lienyi, ni waze eswe a kulanda ni mbongo, malunga eswe hakachi ka atu a ku zuwo lia Apalahama, yaapwisa eswe ngalami mu musunya wo tangwa lioliene ngwe Zambi hamwamba.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Miaso (Masamu) 103:18

kuli waze akufunga usendo wenyi, ni waze akwiwuluka shimbi jenyi kujilinga.

Miaso (Masamu) 25:10

Majila eswe a Yehova utu wa zango ni umwenemwene kuli waze akufunga usendo wenyi ni Shindakenyo yenyi.

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.