Ubutukilo 17:8 - MUKANDA USANDU WA ZAMBI 1975

⁸ Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Mukanda Wa Zambi 1970

⁸ Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 17:8 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 13:17

Katuka wendese chifuchi ndusu, ni ku usuhe wacho ni ku utohe wacho mumu ngunakwehecho yena.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 35:27

Yakomba yeza kuli tato Izake ku Mamare, ku Kiriate-Arpa (likwo Heprone) kuze kwatwamine ni Apalahama ni Izake.

Ubutukilo 36:7

Mumu upite wo woka naye, kahashile kutwama hamuwika. Chifuchi kuze atwamine njize kuchaatele mumu ha yimuna.

Ubutukilo 37:1

Yakomba watwamine mu chifuchi cha unjize wa tato, mwe mu chifuchi cha Kanana.

Ubutukilo 48:4

Yamba kuli yami ngwenyi, Mungukakupwisa semi, mungukakwokesa. Kuli yena mungukasemesa mbunga ya mavungu. Mungukahana chifuchi chino ku munyachi we chikapwe chihinga cha mutolo.

2 Samuel 23:5

Chamwenemwene munyachi wami kuwapwile chocho ni Zambi, hindu hanakolesa ni yami usendo wa mutolo, wa kululika mu yuma yeswe, wakola. Wenawo wapwa ulamwino wami weswe ni kuzanga chami cheswe, chipwe kausokeseleko.

1 Sango Ja Mianangana 16:18

ngwenyi, Kuli yenu munguhana chifuchi cha Kanana, njiza ya chihinga chenu.

Miaso (Masamu) 103:17

Alioze utu wa zango lia Yehova kuli waze akumuvwila woma wapwa wa ku miaka ya mutolo ndo ku miaka ya mutolo. Ululi wenyi wapwa kuli ana ja ana jo;

Miaso (Masamu) 105:11

ngwenyi, Kuli yena munguhana chifuchi cha Kanana, njiza ya chihinga chenu.

Miaso (Masamu) 105:9

Usendo uze akolesele ni Apalahama, ni liji lienyi lia kulishinga kuli Izake.

Kutuhuka 13:11

Mba muze Yehova makanuhetesa ku chifuchi cha A-Kanana chize alakenyene ni shingo kuli yenu ni kuli tulamba twenu akanwehecho,

Kutuhuka 21:6

Henaho kako akamuhetese kuli ngaji. Amunehe ku chikolo chipwe ku yipamba ya ku chikolo. Mwe kako akamutuwe twitwi lienyi ni katwalo. Iye akamuvumbike ndo ku miaka ya mutolo.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Kutuhuka 40:15

Ukaawayise chizechene ngwe wawayisa ni maji tato hanga o akangulingile usasendote. Ha kwawayisa ni maji chikapwe kuli ayo ha usasendote wa mutolo ndusu yisemuko yo.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 31:1

Yehova kanambe ngwenyi, Ha mwaka uze mungukapwa Zambi ya minyachi yeswe ya A-Izalele mba o kumakapwa atu jami.

Ezekiel 11:20

hanga akende mu yiyulo yami, ni kufunga shimbi jami, nikujononokena. O kumakapwa atu jami, ni yami mungukapwa Zambi yo.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Alevi 14:34

Muze munuheta ku chifuchi cha Kanana ngunanwehecho nukachizuke, nyi mungusa musongo wa mbumba mu zuwo limwe mu chifuchi chize munuzuka,

Alevi 16:34

Chino chikapwe chiyulo cha mutolo kuli yenu hanga akafuke shili ya A-Izalele kamuwika ha mwaka mumu ha milonga yo yeswe. Mba Mose walingile chizechene ngwe Yehova wamutumine.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Kwalula 10:29

Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Kwalula 25:13

Kumuukapwa kuli iye ni kuli ana jenyi kulutwe lienyi, we usendo wa usasendote wa mutolo; mumu te iye yevwa ukwa mumu hali Zambi yenyi, yafukila A-Izalele.

Kwalula 27:12

Yehova yamba kuli Mose ngwenyi, Ukanduke ha mulundu uno wa Aparime utale chifuchi hingunahana kuli A-Izalele.

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 29:13

Hanga anukolese musono hali iye mwene nukapwe atu jenyi, hanga iye akapwe Zambi kuli yenu, ngwe ambile kuli yenu, ngwe alishingile kuli tulamba twenu, kuli Apalahama, ni kuli Izake, ni kuli Yakomba.

Shimbi 32:49

Kanduka mulundu uno wa Aparime, ku mulundu wa Nebo uli mu chifuchi cha Moape, watalangana ni Yeriku, utale chifuchi cha Kanana, munguchihana kuli A-Izalele akachizuke.

Shimbi 32:8

Muze mwe Chitunda wahanyine yihinga ku mavungu, muze wahandunwine ana ja Alama, wafunjikile njiza ja minyachi nikulita ni kwalula cha A-Izalele.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 4:37

Mba se iye wazangile tulamba twenu, yanutongola yenu ana jo kulutwe lio. Yanuchiza ku Engitu iye mwene te kwali hakachi kenu, ni tachi jenyi jinene,

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Hebreu 9:15

Ha chikuma chino iye chitakanyishi cha usendo waha, hanga waze hanaatambika akatambule chilakenyo cha chihinga cha mutolo, mumu kufwa hichapwa ha ukule wa Utanguko uze wapwile kushi lia usendo utangu.

Yoshua 1:2

Kavumbi kami Mose hafwa, kashika katuka uzauke Yordau yono, ni yena ni wano atu eswe, nukanjile mu chifuchi chize ngunahane kuli A-Izalele.

Usolwelo 21:7

Yoze makumba makahinga yino yuma; ni yami mungukapwa Zambi yenyi, iye makapwa mwanami.