Ubutukilo 17:7 - MUKANDA USANDU WA ZAMBI 1975

⁷ Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Mukanda Wa Zambi 1970

⁷ “Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Ubutukilo 17:7 Iomraidhean Croise

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 17:13

Ni yoze wasemuka mu zuwo lie, ni yoze wa kulanda ni mbongo jenu, eswe akwete kupwa ngalami. Mba usendo wami muukapwa mu musunya wenu, usendo wa mutolo.

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 6:18

Alioze mungukolesa usendo wami ni yena. Kumukanjila mu ulungu, ni yena, ni ana je a malunga, ni mukwenu-pwo, ni mapwo ja ana je hamuwika ni yena.

Ubutukilo 9:16

Kongolo kumakapwa mu lelwa, ni yami mungutalako hanga ngukewuluke usendo wa mutolo hakachi ka Zambi ni akwa mwono eswe a musunya weswe atwama hashi.

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

1 Sango Ja Mianangana 16:13

Enu munyachi wa Izalele kavumbi kenyi, enu ana ja Yakomba a kutongola.

1 Sango Ja Mianangana 16:14

Iye Yehova Zambi yetu, upatwilo wenyi waya hashi heswe.

Miaso (Masamu) 81:10

Yami nguli Yehova Zambi ye, nakuchijile ku chifuchi cha Engitu. Pakula kanwa lie liakulu mba mungulizalisa.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 61:8

Mumu yami Yehova nakuzanga upatwilo wa kulita, nakuvwila kupiha wiji ni uhenge. Ni umwenemwene mungwaaha kwononona cho, mungukolesa no usendo wa mutolo.

Jeremia 31:1

Yehova kanambe ngwenyi, Ha mwaka uze mungukapwa Zambi ya minyachi yeswe ya A-Izalele mba o kumakapwa atu jami.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Alevi 11:45

Mumu yami Yehova nanuchijile ku chifuchi cha Engitu ngukapwe Zambi yenu. Kashika munukapwa asandu, se ni yami nguli musandu.

Alevi 25:38

Mumu yami Yehova Zambi yenu. Nanuchijile ku chifuchi cha Engitu ngukanwehe chifuchi cha Kanana, ngukapwe Zambi yenu.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Alevi 26:44

Chipwe chocho shimbu ali mu chifuchi cha akwa kole jo chichi kwalelesa, hanji kwavwila kole ngukaonwone liakulu nikutangula usendo uze nakolesele no, mumu yami Yehova Zambi yo.

Alevi 26:45

Alioze mumu ha mukunda wa ayo mungwiwuluka usendo uze nakolesele ni tulamba two aze nachijile ku chifuchi cha Engitu kumeso ja mavungu hanga ngukapwe Zambi yo. Yami Yehova.

Alevi 26:9

Mungununyonga; mungunupwisa semi; mungunwokesa. Mungukolesa usendo wami ni yenu.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Mateu 22:32

Yami nguli Zambi ya Apalahama, ni Zambi ya Izake, ni Zambi ya Yakomba? Zambi hi Zambi ya afu ko, alioze ya a mwono.

Marku 10:14

Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Yilinga 2:39

Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Shimbi 29:13

Hanga anukolese musono hali iye mwene nukapwe atu jenyi, hanga iye akapwe Zambi kuli yenu, ngwe ambile kuli yenu, ngwe alishingile kuli tulamba twenu, kuli Apalahama, ni kuli Izake, ni kuli Yakomba.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

Hebreu 8:10

Mumu uno we usendo mungukakwata ni akwa zuwo lia Izalele kulutwe lia matangwa aze, chocho anambe Mwene ngwenyi, Mungukasa shimbi jami mu kunyonga cho, ni ha mbunge jo nawa mungukajisoneka: mungukapwa kuli ayo Zambi, o kumakapwa kuli yami atu jami.

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.