Ubutukilo 17:21 - MUKANDA USANDU WA ZAMBI 1975

²¹ Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Mukanda Wa Zambi 1970

²¹ Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 17:21 Iomraidhean Croise

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 18:10

Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi.

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Ubutukilo 21:1

Yehova yanangisa Sara ngwe ambile. Yehova yalinga ni Sara ngwe ahanjikile.

Ubutukilo 46:1

Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Jobe 14:13

Ngunazange kuchi ukanguswekele mu Shiole; ukanguhengeke ndo ufwatulo we hiwapalika; ukangusele tangwa liami nikungwiwuluka.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Luka 1:55

Kuli Apalahama, ni kuli munyachi wenyi ndo ku miaka ya mutolo (chizechene ngwe ahanjikile kuli tulamba twetu).

Luka 1:72

Mukulweza keke kuli tulamba twetu, mukwiwuluka usendo wenyi usandu;

Yilinga 1:7

Iye wambile kuli ayo ngwenyi, Hi kuli yenu ko kunyingika mashimbu ni miaka, yize asele mwe Tata mu chiyulo chenyi mwene.

A-ROMA 9:9

Mumu lino lie liji lia chilakenyo ngwo, Nikulita ni mwakono mungukeza, Sera kumakasema mwana-lunga.

Galashia 3:29

Nyi kachi nuli a Kristu, kachi nuli munyachi wa Apalahama ni maswana nikulita ni chilakenyo.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika: