Ubutukilo 17:19 - MUKANDA USANDU WA ZAMBI 1975

¹⁹ Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Mukanda Wa Zambi 1970

¹⁹ Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:19 Iomraidhean Croise

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 17:16

Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 17:18

Chocho Apalahama yamba kuli Zambi ngwenyi, Nyi kachi Ishemali mahasa kutwama kumeso jenu kama.

Ubutukilo 17:21

Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 21:6

Sara yamba ngwenyi, Mba Zambi hangwaha kuseha, ni waze eswe machivwa maseha hamwe ni yami.

Ubutukilo 26:2

Yehova yasoloka kuli iye ngwenyi, Kanda upalumuka ku Engitu, twama mu chifuchi ngunakulweze.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 9:16

Kongolo kumakapwa mu lelwa, ni yami mungutalako hanga ngukewuluke usendo wa mutolo hakachi ka Zambi ni akwa mwono eswe a musunya weswe atwama hashi.

Luka 1:55

Kuli Apalahama, ni kuli munyachi wenyi ndo ku miaka ya mutolo (chizechene ngwe ahanjikile kuli tulamba twetu).

Hebreu 11:11

Ku Ufulielo chipwe Sara mwene watambwile tachi ja kuseseka ufumba muze te hapalika mwaka, se wamunyongene wamwenemwene yoze walakenyene: