Ubutukilo 17:14 - MUKANDA USANDU WA ZAMBI 1975

¹⁴ Lunga yoze wapwa chilima akamupatule kuli atu jenyi; hashiha usendo wami.

Mukanda Wa Zambi 1970

¹⁴ Lunga chilima, kuchatambile kumwalula nawa mukachi ka atu jami, mumu kafungile Usendo wami.”

Ubutukilo 17:14 Iomraidhean Croise

Ubutukilo 17:15

Zambi yamba nawa kuli Apalahama ngwenyi, Ha kutwala kuli pwo lie Serai, kanda umuvuluka nawa ngwe Serai alioze jina lienyi likapwe Sara.

Ubutukilo 34:14

Ngwo, Kutwahashile kulinga chuma chino tukahane ndumbwetu kuli chilima. Acho muchipwa kutusaula.

Miaso (Masamu) 55:20

Hazoza moko jenyi kulimika ni waze atwamine nenyi ni sambukila. Hajilula usendo wenyi.

Kutuhuka 12:15

Ha matangwa shimbiali munukalia mbolo kuyishi futunwiso. Ha tangwa lia kuputuka chizenu futunwiso ku mazuwo jenu. Mumu mweswawo malia mbolo ya futunwiso chize ku tangwa lia kuputuka ndo ku tangwa liamuchishimbiali, akamutete hakachi ka Izalele.

Kutuhuka 12:19

Ha matangwa shimbiali kanda awana mu mazuwo jenu futunwiso niyimwe, mumu te mweswawo malia ya futunwiso, akamutete hakachi ka chikungulwila cha Izalele, apwe njize, apwe mukwa chifuchi.

Kutuhuka 30:33

Mweswawo machinga amwe ngwe wano, ni mweswawo makaazuza hali mutu weka, akamutete hakachi ka atu jenyi.

Kutuhuka 30:38

Mweswawo machinga yimwe ya kulifwa nayo mukuyipanjika lupembo, akamutete hakachi ka atu jenyi.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 33:8

Matapalo hanaahichika a mbozo; akwa kwendelamo keshiko. Usendo kakuutangula, yela kakwalelesa, kapalile atu.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 18:29

Mumu mweswawo malinga yino yuma ya kuvwisa lwaji, atu eswe akwa kuyilinga makaateta hakachi ka atu jo.

Alevi 19:8

Mweswawo machilia makambata uhenge wenyi mumu hajilula chuma chisandu cha Yehova. Amutete hakachi ka atu jenyi.

Alevi 23:29

Mumu mweswawo kalifwichile ha tangwa lienalio kumakamuteta kuli atu jenyi.

Alevi 7:25

Mumu mweswawo makalia maji a kuli kashitu wa kulambula ni kahia kuli Yehova kumakamuteta kuli atu jenyi.

Alevi 7:27

Yoze makalia manyinga eswo, makamuteta kuli atu jenyi.

Kwalula 9:13

Alioze yoze unapeme, nyi keshi mu wenyi hindu machina kufunga Chizomboka, akatete yoze mutu hakachi ka atu jenyi, mumu kalambwile mulambu wa Yehova ha mwaka wacho wa kutongola; akambate mulonga wenyi.

1 Korintu 11:27

Kashika mweswe malia mbolo, hanji manwa musenge wa Mwene ngwe kuchatele, kumahila mujimba ni manyinga ja Mwene.

1 Korintu 11:29

Mumu yoze malia hanji manwa, malia hanji manwa uhiso hali iye mwene se kamwene mujimba wa Mwene.