Ubutukilo 17:11 - MUKANDA USANDU WA ZAMBI 1975

¹¹ Kumakanupwisa ngalami mu musunya wenu, ukapwe chilayi cha usendo hakachi ka yami ni yena.

Mukanda Wa Zambi 1970

^11-12 Chize ku tangwa lino, mwana mweswe wa lunga yoze masemuka chatamba kumupwisa ngalami nyi habwa ni matangwa nake. Chatamba nawa kupwisa ngalami mwana mweswe wa lunga wa kuli ndungo jenu, chibwe ndungo waze haanasemuka mu mazuwo jenu, chibwe waze nwalanjile kuli yilambala. Chino che chinyingi ngwo, Usendo uli hakachi ka yami ni yena.

Ubutukilo 17:11 Iomraidhean Croise

Ubutukilo 9:12

Mba Zambi yamba ngwenyi, Chino muchipwa chinyingi cha usendo uze mungukolesa hakachi ka yami ni yena ni akwa mwono aze eswe ali hamwe ni yena, ndo ku yisemuko yeswe.

2 Samuel 3:14

Mba David yatuma tunganda kuli Isheboshete mwana Saulu ngwenyi, Pe pwo liami Mikale yoze namwechelele chihako cha kulakaji lia misosha ya A-Filistea.

Kutuhuka 12:48

Muze njize matwama ni yenu, nyi mazanga kufunga che Chizomboka cha Yehova, malunga jenyi eswe akaapwise ngalami, mba akakundame akachifunge. Mba o kumakapwa ngwe akwa chifuchi. Alioze chilima niumwe kanda akaliaho.

Kutuhuka 4:25

Haze hene Zepora yanda liwe lia kuheta, yateta musosha wa mwanenyi, yaumbila ku molu jenyi ngwenyi, Chamwenemwene yena kuwapwa lunga wa manyinga kuli yami.

Yilinga 7:8

Iye wamuhele usendo wa ungalami: chocho Apalahama wasemene Izake, wamupwishile ngalami ha tangwa liamuchinake; Izake wasemene Yakomba, Yakomba wasemene kumi lia tulamba ni tulamba aali.

A-ROMA 4:11

iye watambwile chinyingi cha ungalami, Chijikilo cha ululi wa Ufulielo, uze wapwile nawo shimbu te achili chilima: hanga akapwe tato ya waze eswe akufuliela, chipwe yilima; hanga akalule ululi kuli ayo nawa:

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Yoshua 5:3

Kashika Yoshua walingile poko ja mawe, yapwisa A-Izalele ngalami ku Ngibeata-Halaloto.