Ubutukilo 16:6 - MUKANDA USANDU WA ZAMBI 1975

⁶ Alioze Apalama yamba kuli Serai ngwenyi, Tala ndungo ye mu kwoko lie ali, linga nenyi cheswacho chinakupemena. Mba Serai yamupinjisa, chocho yamuchina.

Mukanda Wa Zambi 1970

⁶ Abrama ngwenyi: “Kuheshi Chuma, yono kali ndungo ye, kali mu moko je. Kashika muulinga cheswe chize unazange.” Hohene Sarai yabutuka kuhungumiona Hagare, mba Hagare yachina kwenyi.

Ubutukilo 16:6 Iomraidhean Croise

Ubutukilo 16:9

Mungelo wa Yehova ngwenyi, Hiluka kuli kakenu ukamuzeyele.

Ubutukilo 24:10

Mwe ndungo yanda kumi lia tumelu a ku tumelu ja kakó, yakatuka, se iye kali ni upite weswe wa kakó mu kwoko lienyi. Yakatuka, yaya ku Mesopotamia ku chihunda cha Nehore.

Jobe 2:6

Yehova yamba kuli Satana ngwenyi, Mu kwoko lie ngunamukunjika ahoze mwono wenyi ka.

Kutuhuka 2:15

Mba muze Falau hachivwa, yafupa kushiha Mose. Alioze Mose yachina kumeso ja Falau. Yaya nikutwama ku chifuchi cha A-Mindiane. Yatwama ku shima lia meya.

Yishima 14:29

Yoze keshi kutenuka kawashi malinjekela anji akwete; alioze mukwa kulipupula kakulemesa uhepuke.

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 27:8

Mutu yoze mendangana nikuhichika kuma kwenyi kapwa ngwe kajila yoze mendangana nikuhichika chaswa chenyi.

Yishima 29:19

Ngamba kechi kutá ku maliji, mumu chipwe kanevu hindu kechi kuchisa mbunge.

Longeshi 10:4

Chipwe utenu wa mukwa kuyula muukukasumukina, kanda ukatuka ha chitwamo che; mumu ulemeso kuwakukukila milonga yinene.

Jeremia 38:5

Mwanangana Zedekia yamba ngwenyi, Mu moko jenu ali, mumu mwanangana kahashile kulinga nichimwe cha kulimika ni yenu.

Yoshua 9:25

Haliapwila talenu tuli mu moko jenu. Cheswacho unamono ngwe chipema ni cha ululi hilingenu.

1 Petulu 3:7

Chizechene yenu malunga, twamenu hamwe no nikulita ni chinyingi, nikusela ulemu kuli pwo ngwe kuli chikwachilo chilelu, ngwe nuli maswana-ni-akwo ja vumbi lia mwono; hanga yilemba yenu kuyichi kalinjiwa.