Ubutukilo 16:13 - MUKANDA USANDU WA ZAMBI 1975

¹³ Mba pwo yaluka jina Yehova yoze yahanjika nenyi ngwenyi, Yena uli Zambi wa kumona. Mumu yamba ngwenyi, Kumanyi chipwe kuno hinatala yoze wakungumona;

Mukanda Wa Zambi 1970

¹³ Hagare ngwenyi: “Ayenwe! Kuma hinamona Zambi, hindu nguchili ni mwono, nyi?” Mba yaluka Mwene Zambi, yoze te anahanjika nenyi, jina ngwenyi, “Zambi Yoze Wakumona.”

Ubutukilo 16:13 Iomraidhean Croise

Ubutukilo 16:7

Alioze mungelo wa Yehova yamuwana ku fuji lia meya mu puya, ku fuji lia meya mu jila ya kuya ku Shure.

Ubutukilo 22:14

Apalahama yalukako jina ngwenyi, Yehova-yile. Chocho kakwamba ndo musono ngwo, Mu mulundu wa Yehova kumakachimona.

Ubutukilo 28:17

Yevwa woma ngwenyi, Kuma kuno, kole ni woma. Kuno kwe ku zuwo lia Zambi, hi kweka ko. Kuno kwe ku chikolo cha mwilu.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Ubutukilo 32:30

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Ubutukilo 32:31

Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi.

Kutuhuka 24:11

Yilolo ja A-Izalele kaalingile chipi, yamona Zambi, yalia, yanwa.

Yishima 15:3

Meso a Yehova anamono kweswe nikutala chipi ni chipema.

Yishima 5:21

Mumu ndako jeswe ja mutu jinasoloka ku meso ja Yehova. Iye kakutala majila jenyi eswe.

Akwa Kuyula 6:24

Henaho Ngideone yatunga chilumbilo kuli Yehova, yachiluka jina ngwenyi, Yehova-Shalome. Kuchili ndo musono ku Ofra wa A-Abieza.