Ubutukilo 16:11 - MUKANDA USANDU WA ZAMBI 1975

¹¹ Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Mukanda Wa Zambi 1970

¹¹ Muukasema mwana wa lunga, ukamuluka ngwe: Ishmaele, mumu Mwene Zambi hevwa kulila che,

Ubutukilo 16:11 Iomraidhean Croise

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 37:25

Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

Jobe 38:41

Iya wakufupila kulia chikwakwalo muze ana jenyi kakutetela kuli Zambi, nikwendangana ha kwivwa zala?

Miaso (Masamu) 22:24

Mumu iye kalelesele lamba lia akwa luyinda, chipwe kalivwilile kupiha. Kamuswekele meso jenyi, alioze muze atetele wamuvwile.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 3:9

Mba haliapwila muteto wa A-Izalele kuunahete kuli yami. Chikwo nawa hinamona lamba anaamwesalio kuli A-Engitu.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:31

mba museseka mu jimo, mukasema mwanalunga, munumuluka jina ngwe, Yesu.

Luka 1:63

Iye wechile mukanda, wasonekene ngwenyi, Jina lienyi Yoano. No eswe akomokene.

1 Samuel 1:20

Chocho ha mwaka wacho wakile ufumba, yasema mwana wa lunga, yamuluka jina lienyi Samuel mumu, ngwenyi, Namwichile kuli Yehova.