Ubutukilo 15:9 - MUKANDA USANDU WA ZAMBI 1975

⁹ Yamwamba ngwenyi, Ungwanjile chimbembe cha ngombe wa miaka yitatu, ni chihwo cha pembe wa miaka yitatu, ni kuji ya panga wa miaka yitatu, ni katele ni mwana-liembe.

Mukanda Wa Zambi 1970

⁹ Mwene Zambi ngwenyi: “Ngunehene ngombe wa chihwo, ni pembe wa chihwo, ni kuji a panga, eswe a miaka yitatu. Neha nawa katele ni mwana liembe.”

Ubutukilo 15:9 Iomraidhean Croise

Ubutukilo 15:10

Yaanda eswe, yaapula hakachi. Yasa kwoko ni kulu hatalanganyi ni kwoko ni kulu. Alioze tujila kaapulile.

Ubutukilo 15:8

Iye yakumbulula ngwenyi, Mwene Yehova ngwe kuchi mungunyingika ngwami, Munguchihinga?

Ubutukilo 22:13

Apalahama yahetula meso jenyi, yatala, kumanyi kunyima yenyi kuji ya panga kanasakaminya ku mbinga jenyi mu lutandulwila. Mba Apalahama yanda mwe kuji ya panga yamulambula wa kulumba kusalakana mwanenyi.

Miaso (Masamu) 50:5

Ngwenyi, Kungululenu asandu jami kuli yami, waze hanakolesa usendo wa chitapo ni yami.

Mwaso Ubema Wahiana 2:12

Yitemo yinasoko hashi; mwaka wa kwimba hiweza, ni liji lia katele linahiohio mu chifuchi chetu.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:14

Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 12:6

Muze matangwa jenyi a kumupemesa hahwa, apwe hali mwana wa lunga, apwe hali mwana wa pwo, akanehe kuli sasendote ku chikolo cha mbalaka ya chikungulwila mwana-panga wa mwaka umuwika akapwe mulambu wa kulumba. Akahane nawa mwana-liembe, hanji katele, akapwe mulambu ha shili.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:22

Akanehe tutele aali hanji ana-a-membe aali aze mahasa kuwana, umwe mulambu ha shili, mukwo mulambu wa kulumba.

Alevi 14:30

Mba akalambule mwana-liembe hanji katele aze hahasa kwawana.

Alevi 3:1

Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Alevi 3:6

Nyi mulambu wenyi wa chitapo cha sambukila kuli Yehova muukapwa wa panga, hanji pembe, chipwe kuji, chipwe chihwo, akamutambule keshi chipa.

Alevi 9:2

Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Alevi 9:4

ni kuji ya ngombe ni kuji ya panga akapwe milambu ya sambukila, akaatape kumeso ja Yehova; ni mulambu wa wunga wa kuchinga ni maji, mumu musono Yehova kumasoloka kuli yenu.

Luka 2:24

akahane chitapo nikulita ni chize anambe mu shimbi ya Mwene ngwo, Tutele aali, hanji ana aali a membe.