Ubutukilo 15:19 - MUKANDA USANDU WA ZAMBI 1975

¹⁹ ni A-Kene, ni A-Kenaze, ni A-Katumone,

Mukanda Wa Zambi 1970

¹⁹ yifuchi ya atu wano eswe: Akene, ni Akenize, ni Akademone,

Ubutukilo 15:19 Iomraidhean Croise

Ubutukilo 10:16

ni A-Yepushe, ni A-Amore, ni A-Ngikashe,

Ubutukilo 15:20

ni A-Hete, ni A-Perize, ni A-Refane,

Nehemia 9:8

Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Kutuhuka 23:28

Kumungukatuma mboji kulutwe lienu, waze makahuma kumeso jenu A-Hevwe, ni A-Kanana, ni A-Hete.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Yoshua 24:11

Nwazaukile Yordau, yinwiza ku Yeriku. A-Yeriku ashile jita ni yenu, chocho nawa A-Amore, ni A-Perize, ni A-Kanana, ni A-Hete, ni A-Ngikashe, ni A-Hevwe, ni A-Yepushe. Alioze naakunjikile mu moko jenu.

1 Samuel 15:6

Saulu yamba kuli A-Kene ngwenyi, Katukenu, yenu nutuhuke hakachi ka A-Amaleke kuchina mungunwonwona hamuwika. Mumu yenu nwalingile ni vumbi kuli A-Izalele eswe muze akatukile ku Engitu. Chocho A-Kene yakatuka hakachi ka A-Amaleke.