Ubutukilo 15:17 - MUKANDA USANDU WA ZAMBI 1975

¹⁷ Mba muze te tangwa hilianjila, hikwapwa ufuku, kumanyi kahia ka kutuhwisa mwishi ni soka lia kulekwoka liapalikile hakachi ka yipinji ya yifwo.

Mukanda Wa Zambi 1970

¹⁷ Muze tangwa hilianjila, hikwabwa ufuku, susumuku chishichishi cha kahia chinakakumuka mu lutengo ni soka lia kulekwoka yilibalika hakachi ka yifwo.

Ubutukilo 15:17 Iomraidhean Croise

Ubutukilo 15:10

Yaanda eswe, yaapula hakachi. Yasa kwoko ni kulu hatalanganyi ni kwoko ni kulu. Alioze tujila kaapulile.

2 Samuel 22:9

Mwishi wakatukile ku mazulu jenyi, kahia ka ku kanwa lienyi kalesele, kakuyila ni makala a kahia.

1 Yitanga Ya Mianangana 18:38

Henaho kahia ka Yehova yikahulumuka, yikajimwisa mulambu wa kulumba, ni kunyi, ni mawe, ni fufuta, ni e meya apwile mu kapila.

1 Sango Ja Mianangana 21:26

Mba David yatungako chilumbilo kuli Yehova. Yalambulako milambu ya kulumba, ni milambu ya sambukila nikutambika ha jina lia Yehova. Aye mwilu yamukumbulula ni kahia ha chilumbilo cha mulambu wa kulumba.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Kutuhuka 20:18

Mba e atu eswe amwene kukulunguza ni mihenyo ni lie liji lia chitavwi ni mulundu unatuhwisa mwishi. Muze atu achimwene, yachikima, yamana kusuku.

Izaya 62:1

Ha mukunda wa Zaione chichi kahola, ha mukunda wa Yerusaleme chichi kahwima, ndo ululi wenyi hiwasoloka ngwe pangu, ni ulamwino wenyi hiwasoloka ngwe soka lia kahia.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Akwa Kuyula 13:20

Mba shimbu mulengi wakatukile ha chilumbilo nikuya kwilu mungelo wa Yehova wakandukile mwilu mwe mu mulengi wa ha chilumbilo kumeso ja Manoa ni mukwo-pwo. O yafulamana hashi ha meso jo.

Akwa Kuyula 6:21

Mba mungelo wa Yehova yazoza mulumbu uze apwile nawo mu kwoko lienyi, yasa songo liawo ha yifwo ni tumbolo kutushi futunwiso. Hi ku liwe kwatuhukile kahia nikulalisa ye yifwo ni tumbolo kutushi futunwiso. Hoho mwe mungelo wa Yehova yajimuka kumeso jenyi.