Ubutukilo 15:16 - MUKANDA USANDU WA ZAMBI 1975

¹⁶ O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Mukanda Wa Zambi 1970

¹⁶ Chisemuko che cha muchiwana maakahiluka nawa ku chifuchi cho, mumu chichi kahuma akwa Amore ndoo muze uvulumwino wo muukoka, mba mungukaamwesa lamba.”

Ubutukilo 15:16 Iomraidhean Croise

Ubutukilo 10:16

ni A-Yepushe, ni A-Amore, ni A-Ngikashe,

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

1 Yitanga Ya Mianangana 21:26

Walingile cha kuzelwokesa chikolo ha kukaula tuponya nikulita ni yize yeswe alingile A-Amore aze Yehova wambilile kumeso ja A-Izalele.

1 MIANANGANA 21:11

Mumu Manase mwanangana wa Yunda halinga yizelwokeso yino; halinga ungulungulu kuhiana yize yeswe A-Amore alingile, waze ahangile, havulumwisa nawa A-Yunda ni tuponya twenyi,

Miaso (Masamu) 105:43

Wachijileko atu jenyi ni uwahililo. Waze waatongwele waachijileko ni miaso.

Kutuhuka 12:40

Miaka yize A-Izalele atwamine ku Engitu yapwile makulakaji awana a miaka ni makumi atatu a miaka.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 13:4

Nunakatuka musono ha kakweji wa Ambimbi.

Daniel 8:23

Ku songo lia chiyulo cho, muze yivulumunyi hazalisa njongo yo, mukusoloka umwe mwanangana wa meso a tachi, mukwa kunyingika yijimbikilo.

Alevi 18:24

Kanda nulichisa ni yuma yino niyimwe mumu akwa mavungu aze ngunaahumu kumeso jenu o halichisa nayo yeswe.

Shimbi 9:4

Ha kwahuma kumeso jenu kuli Yehova Zambi yenu, kanda nuhanjika mu mbunge jenu ngwenu, Mumu ha ululi wetu Yehova hanatuhetesamo mukuzuka chifuchi chino, alioze Yehova kanaahumu kumeso jenu mumu ha ungulungulu wa mavungu ano.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.