Ubutukilo 15:15 - MUKANDA USANDU WA ZAMBI 1975

¹⁵ Alioze yena kumukaya kuli akakenu ni sambukila. Kumakakufunda ni ushinakaji upema.

Mukanda Wa Zambi 1970

¹⁵ Alioze yena muukafwa ni ushinakaji wa tachi, mba maakakufunda.

Ubutukilo 15:15 Iomraidhean Croise

Ubutukilo 23:19

Mba muze hamana ayo yeswe, Apalahama yafunda mukwo-pwo Sara mu chivwenge mu musenge wa Makapela kulutwe lia Mamare (likwo ngwo, Heprone) mu chifuchi cha Kanana.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 35:29

Mba Izake yasutuka, yafwa, yamutwala kuli tulamba twenyi, te mukulwana, matangwa hoka. Ana jenyi Esau ni Yakomba yamufunda.

Ubutukilo 47:30

Alioze muze munguya tulo hamwe ni tulamba, akanguchize ku Engitu ukangumbate nikungufunda mu chifuka cho. José yamba ngwenyi, Mungulinga nikulita ni liji lie.

Ubutukilo 49:29

Mba yaaha shimbi ngwenyi, Mangutwala kuli atu jami. Nungufunde hamuwika ni atata mu chivwenge chili mu musenge wa Efrone mwe Ka-Hete.

Ubutukilo 49:31

Kwenako afunjile Apalahama ni mukwo-pwo Sara. Kwenako afunjile Izake ni mukwo-pwo Rebeka. Kwenako nafunjile Liya.

Ubutukilo 50:13

Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare.

1 Sango Ja Mianangana 23:1

David wapwile mukulwana, matangwa jenyi hoka, kashika yahingisa mwanenyi Solomone apwe mwanangana wa A-Izalele.

1 Sango Ja Mianangana 29:28

Yafwa ni ukulwana upema, wayukile ni matangwa, ni upite, ni ulemu, mba mwanenyi Solomone yamuswana mu wanangana.

2 Sango Ja Mianangana 34:28

Kashika mungukutwala kuli tulamba twe, kumuoya ku fuka lie ni sambukila, ni meso je kechi kamona chipi chize cheswe munguneha ha chifuchi chino ni hali atu jamo. Mba yaneha liji lino kuli mwanangana.

Jobe 41:32

Kunyima yenyi jila ya kulejima yiliko; ngwe meya hanalumuka chiwe.

Jobe 42:17

Mba Jo yafwa, mukulwana wa matangwa anji.

Jobe 5:26

Kuheta che ku fuka muchipwa ni miaka ye hiyahia yinji; ngwe chichita cha mbuto chakwiza ku chizungwilo ha mwaka wacho.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Miaso (Masamu) 49:19

Hindu maya ku chisemuko cha akako; kechi kamona pangu, nilimwe tangwa.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Longeshi 6:3

Chipwe mutu masema kulakaji lia ana, akatwame miaka yinji, matangwa a miaka yenyi oke hindu mbunge yenyi kuyayukile ni yipema ni kamufunjile kanawa, ami namona ngwe mwana wa kuselumuna Shinaho.

Daniel 12:13

Alioze yena, yako kwe ndo mukukapwa songo; mumu kumukahwima, mba kumukamana kuma kwe ha songo lia matangwa.

Kwalula 20:24

Kumatwala Arone kuli atu jenyi; mumu iye kechi kanjila mu chifuchi nahanyine kuli A-Izalele, se nwakolemene liji liami ku meya a Meripa.

Kwalula 27:13

Muze hiwachimona makutwala nawa kuli atu je, ngwe atwalile yayenu Arone.

Mateu 22:32

Yami nguli Zambi ya Apalahama, ni Zambi ya Izake, ni Zambi ya Yakomba? Zambi hi Zambi ya afu ko, alioze ya a mwono.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

Akwa Kuyula 2:10

Chisemuko chize cheswe ayile kuli tulamba two; kwasemukine chisemuko chikwo kulutwe lio, cha waze kanyingikine Yehova chipwe chitanga chize halingila A-Izalele.