Ubutukilo 15:13 - MUKANDA USANDU WA ZAMBI 1975

¹³ Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Mukanda Wa Zambi 1970

¹³ Mba Mwene Zambi yamwamba ngwenyi: “Nyingika ngwe, vungu lie maakabwa njize mu chifuchi cha mbala, maakabwa ndungo. E atu jako maakaamwesa lamba miaka 400.

Ubutukilo 15:13 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 47:4

O yamba nawa kuli Falau ngwo, Hitweza mukutwama njize mu chifuchi, mumu kelo jakuhi ja yimuna jetu se kapunga mukalu mu chifuchi cha Kanana. Kashika tunasakwila, nututayize yetu ngamba jenu tutwame mu chifuchi cha Ngoshone.

Miaso (Masamu) 105:42

Mumu wewulukile liji lienyi lisandu ni Apalahama kavumbi kenyi.

Kutuhuka 1:11

Kashika asele tupatashi mukwapinjisa ni yiteli. O yatungila Falau membo, Pitome ni Ramese, mukutulikilamo upite.

Kutuhuka 1:13

A-Engitu alingishile A-Izalele ni uswi.

Kutuhuka 1:14

Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Kutuhuka 22:21

Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu.

Kutuhuka 23:9

Kanda ukamwesa lamba njize, mumu nunanyingika mbunge ya njize, se yenwene nwapwile njize mu chifuchi cha Engitu.

Kutuhuka 3:10

Haliapwila tweya, mungukutuma kuli Falau hanga ukachize atu jami A-Izalele ku Engitu.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Kwalula 20:15

ngwe tulamba twetu apalumukine ku Engitu, yetu twatwamine ku Engitu miaka yinji. A-Engitu yatulinga chipi ni yetu ni tulamba twetu nawa.

Yilinga 7:17

Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu.

Galashia 3:17

Achi chino ngunambe ngwami, usendo uze aukolesele Shimbu-kanda kuli Zambi, shimbi yino yapwile kulakaji awana a miaka ni makumi atatu a miaka kulutwe, kuyishi kuulelesa, ngwe yikapwise chilakenyo chamokomoko.

Shimbi 10:19

Kashika zangenu yilambala, mumu yenu nwapwile yilambala mu chifuchi cha Engitu.

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.