Ubutukilo 15:1 - MUKANDA USANDU WA ZAMBI 1975

¹ Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Mukanda Wa Zambi 1970

¹ Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 15:1 Iomraidhean Croise

Ubutukilo 15:2

Apalama yamba ngwenyi, Mwene Yehova, yika mukangwaha se ngunayi chishi mwana, mba yono Elieza wa Ndamaseku mahinga zuwo liami?

Ubutukilo 15:4

Kumanyi liji lia Yehova yiliza kuli iye ngwo, Yono kechi kupwa swana ye alioze umwe wa kusemuka ku jimo lia yena mwene iye mapwa swana ye.

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Ubutukilo 22:20

Mba kulutwe lia yino yuma yambulwila Apalahama ngwo, Milika hanaseme ana kuli mwanakwenu Nehore.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 31:7

Tatenu hangwonga, halumuna fweto yami kumi lia yisuho, hindu Zambi kamutayijile kunguyindamisa.

2 Samuel 22:3

Zambi iye liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku, ni chiswamino chami; chilamwina chami, wakungulamwina ku upupilo.

1 MIANANGANA 1:15

Mungelo wa Yehova yamba kuli Eliya ngwenyi, Palumuka nenyi. Kanda umuvwila woma. Aye yakatuka, yapalumuka hamwe nenyi kuli mwanangana.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

Miaso (Masamu) 115:10

Enu akwa jiko lia Arone fulielenu Yehova, iye chikwashi cho kanda lukepwe wo.

Miaso (Masamu) 119:114

Yena uli chiswamo chami kanda lukepwe wami. Nakutalatala ku liji lie.

Miaso (Masamu) 142:5

Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 27:1

Yehova iye pangu liami ni ulamwino wami. Iya mungumuvwila woma? Yehova iye tachi ja mwono wami. Iya mungumuvwila woma?

Miaso (Masamu) 3:3

Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

Miaso (Masamu) 3:4

Nakuteta kuli Yehova ni liji liami, iye kumangukumbulula ku mulundu wenyi usandu. (Litulike.)

Miaso (Masamu) 5:12

Mumu yena Yehova kumuwahisa mukwa ululi; kumumujingilika ni vumbi ngwe lukepwe. Kuli Njimba mukwa lutwe: ha tulialia a kusa nikulita ni Sheminite. Samu lia David.

Miaso (Masamu) 58:11

Chocho atu mamba ngwo, Chamwenemwene kwononona cha mukwa ululi kuchili; chamwenemwene kwali Zambi mukwa kupatula hano hashi.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 84:9

Zambi lukepwe wetu, tala kama; tala ha meso ja yoze wamuwayishile ni maji.

Miaso (Masamu) 91:4

Kumakakufuka ni ngona jenyi. Mushi lia mapulwa jenyi mukachinyina. Umwenemwene wenyi wapwa lukepwe, ni mukehe ni munene.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Yishima 30:5

Liji lieswe lia Zambi lipema. Iye kapwa lukepwe kuli waze anamufuliela.

Izaya 35:4

Ambenu kuli akwa mbunge ja woma ngwenu, Takamenu! Kanda nwivwa woma! Talenu Zambi yenu meza ni kufwetesa, meza ni kwononona cha Zambi. Meza nikunulamwina.

Izaya 40:10

Mwene Yehova kaneza ni ndundo, kwoko lienyi linamukwachila chiyulo. Kwononona chenyi kaneza nacho, fweto yenyi yinamutetekela.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 44:8

Kanda nwivwa woma, mwongo kanda unukwata. Te chanulwezele chize ku shakulu nikuchambulula? Ni yenu nuli yela. Kwali umwe Zambi hamwe ni yami? Luliwe lukwo kulushiko; chalunyingikine.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Jeremia 39:17

Alioze Yehova kanambe ngwenyi, Mungukupulula ha tangwa lize; kechi kakukunjika kuli malunga waze wakwavwila woma.

Lungungu 3:24

Mbunge yami kuyakwamba ngwo, Yehova iye chihanda chami kashika muli iye mungutalatala.

Ezekiel 1:1

Ha mwaka makumi atatu, ha kakweji wamuchiwana, ha tangwa liamuchitano lia kakweji, te nguli hakachi ka njize ku lwiji Chebare, malilu azulukile, mba yingumona usolwelo wa Zambi.

Ezekiel 11:24

Mba Spiritu yanguzundula, mu usolwelo yanguneha nawa kuli mwe Spiritu ya Zambi ndo ku chifuchi cha Kaletea kuli njize. Henaho usolwelo uze namwene wangwecha.

Ezekiel 3:4

Yamba kuli yami ngwenyi, Mwana mutu, yako ukaye ku munyachi wa Izalele ukambe kuli ayo maliji jami.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Kwalula 18:20

Yehova yamba kuli Arone ngwenyi, Kanda ukapwa ni chihinga nichimwe mu chifuchi cho, chipwe kanda ukapwa ni chihanda hakachi ko. Chihanda che—yami. Chihinga che hakachi ka A-Izalele—yami.

Kwalula 24:4

Maliji a yoze wakwivwa maliji a Zambi, Iye anamono usolwelo wa Mukwa-Ndundo-Jeswe, Kanalimbuka, kanalaula meso.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Mateu 8:26

Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:30

Mungelo wambile kuli iye ngwenyi, Kanda wivwa woma, Maria, mumu hiunawane vumbi kumeso ja Zambi;

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

1 Korintu 3:22

chipwe Paulu, hanji Apolu, hanji Sefwa, hanji hano hashi, hanji mwono, hanji kufwa, hanji yuma ya haliapwila, hanji yuma yize muyizaho; yeswe niyenu;

Shimbi 18:2

Kanda apwa ni chihinga nichimwe hakachi ka usoko wo. Chihinga cho, Yehova, ngwe iye wambile kuli ayo.

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

1 Samuel 15:10

Henaho liji lia Yehova lieza kuli Samuel ngwenyi,

1 Samuel 9:9

(Ku shakulu mu Izalele muze umwe wayile kuhula chimwe chuma kuli Zambi wambile ngwenyi, Tuye tuhule mwe mukwa kumona. Mumu yoze akumutongola musono ngwo, Profeta, kunyima amutongwele ngwo, Mukwa kumona.)