Ubutukilo 14:7 - MUKANDA USANDU WA ZAMBI 1975

⁷ Mba yahiluka, yeza ku Emishipate (likwo ngwo, Kandeshe). Yalamba chifuchi cheswe cha A-Amaleke, ni A-Amore aze atwama mu Hazazone-Tama.

Mukanda Wa Zambi 1970

⁷ Mba yaahiluka, yaaheta ku limbo lia Kadeshe (ha matangwa waze te ngwo Enmishpate). Yaakumba mianangana eswe ja akwa Amokele, ni akwa Amore waze atwama mu limbo lia Hazazone Tamare.

Ubutukilo 14:7 Iomraidhean Croise

Ubutukilo 16:14

kashika jina lia shima lize ngwo, Mbia-ha-rohi. Lili hakachi ka Kandeshe ni Mberete.

Ubutukilo 20:1

Apalahama yakatuka kuze yatalikisa ku chifuchi cha Negeve, yatwama hakachi ka Kandeshe ni Shure. Chocho atwamine njize ku Ngerare.

Ubutukilo 36:12

Timna wapwile *konkubina ya Elifaze mwana wa Esau. Iye yasema kuli Elifaze Amaleke. Wano e ana ja Ata pwo lia Esau.

Ubutukilo 36:16

Ni mwata Kora, ni mwata Ngatame, ni mwata Amaleke wano te miata asemukine kuli Elifaze mu chifuchi cha Endome. O ana ja Ata.

2 Sango Ja Mianangana 20:2

Yikwiza nawa amwe, yalweza Yehosofate ngwo, Kuneza chihuji chinene cha sali lize lia kalunga-lwiji ku Seria akase jita ni yenu. Haheta ku Hazazone-Tama (jina likwo Engedi).

Ezekiel 47:10

Akwa kutela yishi makamanyina ku kalunga-lwiji. Chize ku Engedi ndo ku Eneglame mukupwa chihela cha kwanyikina manda. Yishi jako makapwa a milali yeka ni yeka, ngwe yishi a ku Kalunga-lwiji Munene.

Ezekiel 48:28

Kulikaula ni chifuchi cha Ngate ku Sule, njiza muyikapalika chize ku Tama ndo ku meya ja Meripa-Kandeshe, mba ku kuze muyikalisesa ni lwiji wa Engitu ndo ku Kalunga-lwiji Munene.

Kwalula 13:26

Yaheta kuli Mose ni kuli Arone ni ku chikungulwila cheswe cha A-Izalele, ku puya ya Parane, ku Kandeshe. Yatwa lusango kuli ayo, ni ku chikungulwila cheswe, yaalweza ye mihuko ya mu chifuchi.

Kwalula 14:43

Mumu kokwene A-Amaleke ni A-Kanana kulutwe lienu ali, kumunukafwa ku katana; mumu hinwachina kukaula Yehova, kashika Yehova kechi kupwa hamwe ni yenu.

Kwalula 14:45

Haze hene hapalumukine A-Amaleke ni A-Kanana, aze atwamine ha we mulundu, yaalamba ni kwaonwona, ndo ku Horoma.

Kwalula 20:1

Chikungulwila cheswe cha A-Izalele ahetele ku puya ya Zini ha kakweji mutangu. E atu yatwama ku Kandeshe. Kokwene afwilile Miriame. Yamufundako.

Kwalula 24:20

Iye yatala Amaleke, yata chishima chino ngwenyi, Amaleke wapwile mutangu wa mavungu, kusula-songo lienyi kumulikapwa ha kwonwona.

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 1:46

Chocho yinutwama matangwa anji ku Kandeshe, nikulita ni matangwa nwatwamineko.

Yoshua 15:62

ni Nibishane, ni Chihunda cha Mungwa, ni Engedi. Membo asambano ni tuyihunda two.