Ubutukilo 14:22 - MUKANDA USANDU WA ZAMBI 1975

²² Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

Mukanda Wa Zambi 1970

²² Alioze Abrama ngwenyi: “Ni Zambi Mwilu Mwahiana, yoze watangile yuma yeswe,

Ubutukilo 14:22 Iomraidhean Croise

Ubutukilo 14:21

Mwanangana wa Sondome neye yamba kuli Apalama ngwenyi, Ngwehe e atu ukazuke yikwata yena mwene.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 21:33

Apalahama yatumba mutondo ku Mbia-shipa, yatambika Yehova ha jina lienyi, mwe Zambi wa mutolo.

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

2 Samuel 2:5

David yatuma tunganda kuli malunga a Njabeshe-Ngiliate ngwenyi, Nukawahe kuli Yehova mumu nwasolwele utu wa zango kuli mwene wenu Saulu ha kumufunda.

1 MIANANGANA 5:16

Alioze Elisha yamba ngwenyi, Ni mwono wa Yehova yoze nakumana kumeso jenyi, chichi kutambula nichimwe. Naamane yamushinjika alioze aye kasolo.

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

Miaso (Masamu) 144:11

Ungulamwine, ungupulule ku kwoko lia yilambala, waze makanwa jo akuhanjika yuma yamokomoko, ni kwoko lio lia chindume Hapwa kwoko Ha mahuza.

Miaso (Masamu) 144:8

Waze makanwa jo akuhanjika yuma yamokomoko. Kwoko lio lia chindume Hapwa kwoko lia mahuza.

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Hagai 2:8

Yehova-wa-Tujita kanambe ngwenyi, Prata niyami, ni oru niyami.

Shimbi 10:14

Kutala! Lilu lia mbala lia Yehova Zambi yenu, ni lilu lia malilu, hashi ni yeswe yiliho.

Shimbi 32:40

Nakuzundula kwoko liami kwilu nikulishinga ngwami, Ni mwono wami wa mutolo.

Akwa Kuyula 11:35

Ha kumumona iye wapulile mazalo jenyi ngwenyi, Lwangu mwanami! Hiwangukoka mu mavu. Mumu ha mukunda wa yena hinapwa ni lamba linene. Mumu hinahanjika ni Yehova mba Chahashile kulishingulula ku chilakenyo chami.