Ubutukilo 14:20 - MUKANDA USANDU WA ZAMBI 1975

²⁰ Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

Mukanda Wa Zambi 1970

²⁰ Zambi Mwilu Mwahiana, yoze wakukwashile kukumba akwa kole je, afumane.” Mba Abrama yamwaha Chihanda chimuwika cha ku yihanda kumi ya yuma yeswe yize atambwile mu jita.

Ubutukilo 14:20 Iomraidhean Croise

Ubutukilo 14:21

Mwanangana wa Sondome neye yamba kuli Apalama ngwenyi, Ngwehe e atu ukazuke yikwata yena mwene.

Ubutukilo 24:27

nikwamba ngwenyi, Yehova akafumane Zambi wa mwata wami Apalahama yoze kambilile keke yenyi hanji umwenemwene wenyi ha kutwala kuli mwata wami. Ni yami nawa Yehova hangusongwela mu jila ku zuwo lia usoko wa mwata wami.

Ubutukilo 28:22

Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Ubutukilo 47:24

Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Ubutukilo 47:26

José wachikolesele shimbi mu Engitu ndo musono, ha yihanda yeswe yitano Falau akatambule chihanda chimuwika. Chifuchi cha asasendote wika kuchalumukine cha Falau.

Ubutukilo 9:26

Yamba nawa ngwenyi, Yehova Zambi ya Sheme akafumane; Kanana akapwe ndungo yenyi.

2 Samuel 18:28

Ahimaze yatambika kuli mwanangana ngwenyi, Cheswe chinawaha! Yahetamina hashi kumeso ja mwanangana ngwenyi, Yehova Zambi yenu afumane se iye hanakunjika malunga aze azundwile moko jo kulimika ni mwene wami mwanangana.

2 Sango Ja Mianangana 31:12

Mba yanehamo kanawa kanawa milambu, ni yihanda ya kumi, ni yuma ya kutumbikila. Mukwa kuyiyula Ka-Levi Kononia, ni chikwashi chenyi mwanakwo Shimei.

Nehemia 10:37

Tukanehe nawa yitangu ya mbolo jetu ja wisu, ni milambu ya kuzundula, ni mihuko ya milali yeswe ya mitondo, ni vinyu, ni maji, kuli asasendote ku yipatulo ya zuwo lia Zambi yetu, ni yihanda ya kumi ya minda yetu kuli A-Levi, mumu o, A-Levi kakuzuka chihanda cha kumi mu yihunda yeswe kuze twakulimina.

Nehemia 13:12

A-Yunda eswe yaneha chihanda cha kumi cha mbuto ni vinyu ni maji ku mazuwo a upite.

Miaso (Masamu) 144:1

Yehova liwe liami afumane, yoze wakulongesa moko jami kwasa jita, ni minwe yami kulitachika.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Miaso (Masamu) 68:19

Mwene afumane, yoze wakumbatambata chiteli chetu tangwa ha tangwa. Iye mwe Zambi yoze wapwa ulamwino wetu.(Litulike.)

Kutuhuka 18:10

Yetoru yamba ngwenyi, Yehova afumane yoze wanupulwile ku kwoko lia A-Engitu ni ku kwoko lia Falau, yoze wapulwile e atu kushi lia kwoko lia A-Engitu.

Amose 4:4

Tweyenu ku Mbetele nukavulumune. Tweyenu ku Ngilingali nukokese milonga. Nehenu yitapo ha chimene tangwa ha tangwa ni milambu yenu ya chihanda cha kumi ha matangwa atatu, ha matangwa atatu.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Malaki 3:8

Mutu mahasa kwiya kuli Zambi? Hindu yenu nunangwiyi. Alioze nunambe ngwenu, Tunakwiyi kuchi? Ha yihanda yenu ya kumi, ni milambu yenu.

Kwalula 28:26

Ha tangwa lia mbuto yitangu nawa, ha kulambula kuli Yehova mulambu waha wa wunga, ha chiwanyino chenu cha masemana, nukapwe ni chikungulwila chisandu. Kanda nukalingaho milimo niyeyimwe ya kuhondangana.

Luka 18:12

Nakulitwamina kulia kaali ha semana, nakuhana chihanda cha kumi cha yuma yeswe nguli nayo.

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Shimbi 12:17

Kanda nukalila mu yihunda yenu chihanda cha ku kumi cha mbuto yenu, chipwe cha vinyu yenu, chipwe cha maji jenu, chipwe cha tupula-majimo a ngombe jenu, chipwe a yimuna jenu, chipwe cha yilakenyo yenu yeswe nunalakenya, chipwe cha milambu yenu ya mbunge, chipwe cha milambu ya kuzundula ni moko jenu.

Shimbi 14:23

Nukalile kumeso ja Yehova Zambi yenu kuze iye matongola kusa jina lienyi, chihanda cha ku kumi cha mbuto jenu, ni cha vinyu yenu, ni cha maji jenu, ni tupula-majimo a ngombe jenu, ni a yimuna jenu, hanga nulilongese kuvwila woma Yehova Zambi yenu matangwa eswe.

Shimbi 14:28

Ha kusula cha miaka yitatu, miaka yitatu, nukahetese yihanda yeswe ya ku kumi ya kwoka chenu cha mbuto ha mwaka uze, nukayitumbike mu yihunda yenu.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.