Ubutukilo 14:13 - MUKANDA USANDU WA ZAMBI 1975

¹³ Umwe yomboka, yeza, yambulwila Apalama mwe Ka-Hepreu. Iye te kanatwama ku mitondo ya Mamare Ka-Amore, mwanakwo wa Esekole ni wa Anere. Wano te halikunda ni Apalama.

Mukanda Wa Zambi 1970

¹³ Alioze mutu unuwika wachinyine jita, yaya, yalumbunwina Kahebreu Abrama yuma yeswe. Mwe Abrama te kutwama hehi ni mitondo ya umwe mukwa Amore, Mamre, kuze te akuwayila. Mamre ni anakwo Eskole ni Anere yalikunda ni Abrama.

Ubutukilo 14:13 Iomraidhean Croise

Ubutukilo 10:16

ni A-Yepushe, ni A-Amore, ni A-Ngikashe,

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 14:24

Chichi kutambula nichimwe shina kulia chize alile akweze, ni chihanda cha malunga aze ayile hamwe ni yami. Alioze Anere, ni Esekole, ni Mamare o akatambule nicho.

Ubutukilo 18:1

Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa.

Ubutukilo 21:24

Apalahama yakumbulula ngwenyi, Mungulishinga.

Ubutukilo 21:27

Mba Apalahama yanda mapanga ni ngombe, yaahana kuli Apimeleke. Chocho o aali yakolesa usendo.

Ubutukilo 21:32

Chocho akolesele usendo ku Mbia-shipa, mba Apimeleke yakatuka hamwe ni Fwikole kapitau ka tujita twenyi, yahiluka ku chifuchi cha A-Filistea.

Ubutukilo 39:14

iye yasanyika malunga a mu zuwo lienyi, yahanjika no ngwenyi, Tala, hananeha yono Ka-Hepreu atuyunge. Kanjilanga akapombe ni yami, kashika ami nateta ni liji linene.

Ubutukilo 40:15

Mumu angwiyile ku chifuchi cha A-Hepreu. Chipwe kuno chalingile nichimwe chakungu-neha muno mu wina.

Ubutukilo 41:12

Alioze umwe Ka-Hepreu twapwile nenyi, ngamba ya kapitau ka tulayi. Yitumwambulwilayo mba iye yatulumbunwina mutu mweswe chilota chenyi nikulita.

Ubutukilo 43:32

Yamunehena kulia kwa ukawenyi, no nawa kwa ukawo, ni A-Engitu aze alile nenyi, no kwa ukawo. Mumu A-Engitu keshi kulia ni A-Hepreu. Acho kulijilula kuli A-Engitu.

Jobe 1:15

A-Shipa alundumukanga; ambatanga eswe. Ashihanga ngamba eswe ni katana, yami wika nombokanga ngununehene liji.

Kutuhuka 2:11

Ha matangwa aze Mose, muze te hakola, yaya kuli usoko wenyi, yatala yiteli yo. Yamona umwe Ka-Engitu kanalambe umwe Ka-Hepreu wa usoko wenyi.

Kutuhuka 2:6

Muze akapakwile yamonamo mwe mwana, kumanyi kanalili. Yamuvwila keke, ngwenyi, Au mwana wa umwe Ka-Hepreu.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Jeremia 34:9

hanga mutu mweswe akatusule ndungo jenyi ja A-Hepreu, ni a malunga ni a mapwo, niumwe kanda apita Ka-Yunda usoko wenyi.

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.

Kwalula 13:23

Yaheta ku chikulo cha Esekole, yatetako mutango ni chichakata chimuwika cha uva, atu aali yachikulika ha mukambo. Yatwala nawa jimwe romana ni makuyu.

Kwalula 21:21

A-Izalele atumine mikeji kuli Sahone, mwanangana wa A-Amore ngwo,

2 Korintu 11:22

O A-Hepreu, nyi? Yami nawa. O A-Izalele, nyi? Yami nawa. O munyachi wa Apalahama, nyi? Yami nawa.

Filipu 2:5

Kunyonga chino chikapwe muli yenu, chize chapwile nawa muli Kristu Yesu.

1 Samuel 29:3

tupitau twa A-Filistea yamba ngwo, Wano A-Hepreu, yika analingi kuno? Mba Akishe yamba kuli tupitau twa A-Filistea ngwenyi, Au ngwami, David kavumbi ka Saulu mwanangana wa Izalele. Hatwama ni yami matangwa ni miaka mba hanga ejile kuli yami chawanyine muli iye chitela ndo musono.

1 Samuel 4:12

Umwe kajita, lunga wa ku Mbenjamine, wazombokele, yeza ku Shilo tangwa lioliene ni mazalo jenyi a kusonya, ni mavu ha mutwe.