Ubutukilo 14:10 - MUKANDA USANDU WA ZAMBI 1975

¹⁰ Chikulo cha Shindime cha tò ni mena a malowa, mba mianangana a Sondome ni Ngomora yachina mba yafwilamo. Waze kafwile o yachinyina ku milundu.

Mukanda Wa Zambi 1970

¹⁰ Mu chikulo chize cha Sidime mwabwile mena anji. Mena waze atu afulile ha kwanda usolososhi. Mba mianangana a membo ja Sodome ni Gomora yaaholokela mo muze te anachina jita. Waze asalile yaachinyina ku milundu.

Ubutukilo 14:10 Iomraidhean Croise

Ubutukilo 11:3

Yaliamba umwe kuli mukwo ni mukwo ngwo, Tuyenu tutenge tijolo tukayoche kanawa. Chocho apwile ni tijolo kusalakana mawe, ni malowa kusalakana ndambo.

Ubutukilo 14:11

Yapupa yikwata yeswe ya Sondome ni Ngomora ni kulia cho cheswe, chocho yaya kwo.

Ubutukilo 14:17

Mwanangana wa Sondome yatuhuka nikumupatwiza ha kuhiluka ku kukumba Chetoleome ni mianangana aze apwile hamwe nenyi, ku chikulo cha Shave (likwo ngwo cha Mwanangana).

Ubutukilo 14:21

Mwanangana wa Sondome neye yamba kuli Apalama ngwenyi, Ngwehe e atu ukazuke yikwata yena mwene.

Ubutukilo 14:3

Wano eswe alifutwile hamuwika mu chana cha Shindime (likwo ngwo, Chitende cha Mungwa).

Ubutukilo 14:9

ni Chetoleome mwanangana wa Elame, ni Tetale mwanangana wa Ngoyime, ni Amarafele mwanangana wa Shinare, ni Arioke mwanangana wa Elesa. Mianangana awana kulimika ni mianangana atano.

Ubutukilo 19:17

Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga.

Ubutukilo 19:30

Mba Lote yakatuka ku Zoare, yatwama ku milundu hamuwika ni anenyi aali a mapwo, te woma anevu wa kutwama mu Zoare. Watwamine mu chivwenge, iye ni anenyi aali a mapwo.

Miaso (Masamu) 83:10

Anongene ku Endore. Alumukine ngwe wilo wa kusa ha mavu.

Izaya 24:18

Yoze machina ha kwivwa mwongo maholoka mu wumbu; mba yoze makatuka mu wumbu mafwa mu muheto. Mumu manjanela a mwilu hanazuluka, ni fundamentu ja hashi jinachikima.

Jeremia 48:44

Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Yoshua 8:24

Muze A-Izalele hamana kushiha akwa Ayi ku puya kuze aakawile ndo mwe wasula hafwa ni katana, mba A-Izalele yahilukila chihunda cha Ayi nikuchipupa ni katana.