Ubutukilo 13:8 - MUKANDA USANDU WA ZAMBI 1975

⁸ Apalama yamba kuli Lote ngwenyi, Ngunaliumbu, kanda kupwa kulitachika hakachi ka yena ni yami, hakachi ka tufunga twe ni tufunga twami se tuli usoko.

Mukanda Wa Zambi 1970

⁸ Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela.

Ubutukilo 13:8 Iomraidhean Croise

Ubutukilo 13:9

Chifuchi cheswe te kuchishiko kumeso je, nyi? Ngunaliumbu, lihandunune ni yami. Nyi yena muoya ku chimeso, ami munguya ku chindume. Nyi yena muoya ku chindume ami munguya ku chimeso.

Ubutukilo 14:14

Muze Apalama yevwa ngwo, Usoko we hamukwata funge, yatwala atu jenyi a kufumba, waze asemukine mu zuwo lienyi, makulakaji atatu ni kumi ni nake, yaahanga ndo ku Ndane.

Ubutukilo 45:24

Chocho yashika ayayo, o yakatuka. Yamba kuli ayo ngwenyi, Kanda nuzwela mu jila.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Miaso (Masamu) 133:1

Talenu cho kupema, cho kuwaha, muze mandumbu matwama hamuwika ni mbunge yimuwika.

Kutuhuka 2:13

Mukwachako iye watuhukile nawa, yamona atu aali A-Hepreu kanazwele, mba yamba kuli lunga unalingi chipi, ngwenyi, Kuchi te unalambe mukwenu?

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 15:18

Chifwatulo kakusangumuna kuhamika, alioze yoze keshi kutenuka fuji kakuholesa vunda.

Yishima 20:3

Kulihandununa ni ndombo chapwa ulemu kuli mutu; alioze chihepuke mweswe mazanga kuzwela.

Mateu 5:9

Kawaha yitakanyishi, mumu kumakaavuluka ngwo, Ana a Zambi.

Yilinga 7:26

Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

Filipu 2:14

Lingenu yuma yeswe ni kulinyenyeta nichimwe, ni kuhangulula nichimwe;

1 Tesalonika 4:9

Alioze ha kutwala ku kufwila cha mandumbu, kuchatambile kusoneka kuli yenu: mumu yenwene nunalongoloka kuli Zambi kulizanga umwe ni mukwo;

Hebreu 12:14

Kaulenu sambukila hamwe ni atu eswe, ni usandu, uze mutu kechi kamona Mwene nyi keshi nawo.

Hebreu 13:1

Kufwila cha mandumbu chikalinduluke.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Petulu 4:8

Kuhiana yuma yeswe pwenu nikulizanga umwe ni mukwo ni mukwo ni mbunge yeswe: mumu zango kuliakufuka milonga yinji:

2 Petulu 1:7

ha uwayilo wezenu kufwila cha mandumbu; ha kufwila cha mandumbu wezenu zango.

1 Yoano 4:7

Akwetu a zango, tulizangenu umwe ni mukwo ni mukwo: mumu zango lia kuli Zambi; ni mweswe mukwa kuzanga kanasemewa kuli Zambi, kananyingika Zambi.

Akwa Kuyula 9:26

Ngaale mwana wa Ebede wejile ku Shekeme hamwe ni usoko wenyi. Mba A-Shekeme amufulielele.