Ubutukilo 13:7 - MUKANDA USANDU WA ZAMBI 1975

⁷ Kwapwile kulitachika hakachi ka akwa kufunga yimuna ja Apalama ni akwa kufunga yimuna ja Lote. A-Kanana ni A-Perize achili mu chifuchi.

Mukanda Wa Zambi 1970

⁷ Tufunga twa yimuna twa Abrama ni Lote te kaakuzwela chinji. (Ha matangwa waze akwa Kanana ni akwa Perize te achili mu chifuchi chize).

Ubutukilo 13:7 Iomraidhean Croise

Ubutukilo 10:19

Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

Ubutukilo 12:6

Apalama yapalika ndusu mu chifuchi ndo ku chihela cha Shekeme, ku mutondo uze uli ku More, A-Kanana te achili mu chifuchi.

Ubutukilo 21:25

Mba Apalahama yámbila Apimeleke mumu ha shima lia meya ngamba ja Apimeleke te hatambula ni tachi.

Ubutukilo 26:20

Mba tufunga twa Ngerare yalitachika ni tufunga twa Izake ngwo, Meya ninyetu. Kashika yaluka shima lize ngwenyi, Eseke, mumu ha kulitachika nenyi.

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 46:34

Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Nehemia 5:9

Yingwamba nawa ngwami, Chino chuma nunalingi hi chipema ko. Chanutamba kwenda ni woma wa Zambi mumu ha sau lia akwa kole jetu a mavungu.

Kutuhuka 2:17

Tufunga ejile nikwahuma. Mose yakatuka, yaakwasa, yanwisa e yimuna.

Yishima 20:3

Kulihandununa ni ndombo chapwa ulemu kuli mutu; alioze chihepuke mweswe mazanga kuzwela.

Marku 3:25

Nyi kachi akwa zuwo malihandununa ene, akwa zuwo lize kechi kahasa kukola.

1 Korintu 3:3

Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

Galashia 5:20

ni kukombelela mahamba, ni kupanda, ni kole, ni vunda, ni ukwa, ni ufwatulo, ni kulipula, ni kulimanangana, ni kulihandununa,

Kolosu 4:5

Endenu ni mana kuli waze ali haze, nikukuta mwaka.

1 Tesalonika 4:12

hanga nukende ngwe chinalite kuli waze ali haze, hanga kunuchi kahona nichimwe.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Tiangu (Jake) 3:16

Mumu kuze kuuli ukwa ni kulimanangana, kuze kwene kuli vunda ni yilinga yeswe yipi.

Tiangu (Jake) 4:1

Kulihi kunakatuka jita, kulihi kunakatuka kulitachika hakachi kenu? Hi ku usolo ko, uze wakwasa jita mu yihanda yenu, nyi?

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.