Ubutukilo 13:15 - MUKANDA USANDU WA ZAMBI 1975

¹⁵ Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Mukanda Wa Zambi 1970

¹⁵ Chifuchi cheswe chize unamono mungukwaha cho, yena ni vungu lie, ndoo ku miaka yeswe.

Ubutukilo 13:15 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 13:17

Katuka wendese chifuchi ndusu, ni ku usuhe wacho ni ku utohe wacho mumu ngunakwehecho yena.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 15:7

Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Ubutukilo 18:18

Se Apalahama makapwa vungu linene lia tachi, mba mavungu eswe a hashi makaawahisa muli iye.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 35:12

Chifuchi nahanyine kuli Apalahama ni kuli Izake, munguchihana kuli yena ni ku munyachi we kulutwe lie.

Ubutukilo 48:4

Yamba kuli yami ngwenyi, Mungukakupwisa semi, mungukakwokesa. Kuli yena mungukasemesa mbunga ya mavungu. Mungukahana chifuchi chino ku munyachi we chikapwe chihinga cha mutolo.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

1 Sango Ja Mianangana 16:18

ngwenyi, Kuli yenu munguhana chifuchi cha Kanana, njiza ya chihinga chenu.

2 Sango Ja Mianangana 20:7

Zambi yetu, te kwahumine akwa chifuchi chino kumeso ja atu je A-Izalele? Kwachihanyine kuli ana ja kasendo ke Apalahama ku miaka ya mutolo nyi?

Miaso (Masamu) 37:22

Waze maawahisa iye, kumahinga chifuchi, alioze waze maashinga makaapatula.

Miaso (Masamu) 37:29

Akwa ululi kumakazuka chifuchi; kumakatwamamo ku miaka ya mutolo.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Kutuhuka 33:1

Yehova yamba kuli Mose ngwenyi, Yako ukakanduke hamwe ni atu aze waachijile ku chifuchi cha Engitu, ndo ku chifuchi chize nalishingile ni shingo kuli Apalahama ni Izake ni Yakomba ngwami, Mungukachihana ku munyachi we.

Izaya 63:18

Atu je asandu azukile zuwo lie lisandu ha shimbu likepe; alioze akwa kole jetu haliliachila mu mavu.

Kwalula 34:2

Amba A-Izalele ngwe, Muze mununjila mu chifuchi cha Kanana (chino chifuchi muchikapwa chihinga chenu, te chifuchi cha Kanana nikulita ni njiza jacho),

Mateu 5:5

Kawaha akwa kushimbika, mumu kumakatunga he hashi.

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.