Ubutukilo 13:14 - MUKANDA USANDU WA ZAMBI 1975

¹⁴ Muze Lote halihandununa kuli iye Yehova yamba kuli Apalama ngwenyi, Hetula meso je utale chize kuma kuno watwama ku Norte ni ku Sule ni ku Chivumbuko ni ku Chitokelo.

Mukanda Wa Zambi 1970

¹⁴ Muze Lote haya, Mwene Zambi yambila Abrama ngwenyi: “Hetuka utale ku norde ni ku sude, ni ku chivumbuko ni ku chitokelo.

Ubutukilo 13:14 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Izaya 49:18

Hetula meso je umone kweswe kwa kujingilika; eswe kanakunguluka, kaneza kuli yena. Yehova kanambe ngwenyi, Ni mwono wami, kumukaazala ngwe chuma cha uhenya, kumukalikashilo ngwe ndungi kakulinga.

Izaya 60:4

Talenu kweswe kwa kunujingilika nukamone; eswe kanakunguluka hamuwika, kaneza kuli yenu. Anenu a malunga makatuka kusuku; anenu a mapwo maambata mu makondo.

Shimbi 3:27

Ukanduke ku mbulwa mulundu wa Pisiga uhetule meso je utale ku Chitokelo, ni ku Norte, ni ku Sule, ni ku Chivumbuko, utale ni meso je; mumu kuchi kazauka yono Yordau.

Shimbi 34:1

Mose yakatuka ku yana ya Moape, yakanduka ha mulundu wa Nebo, ndo ku mbulwa Pisiga, yatalangana ni Yeriku. Yehova yamulweza chifuchi cheswe cha Ngiliate ndo ku Ndane,