Ubutukilo 13:13 - MUKANDA USANDU WA ZAMBI 1975

¹³ Alioze atu a mu Sondome yingulungulu, akwa kuvulumiona Yehova kuhiana.

Mukanda Wa Zambi 1970

¹³ Akwa limbo lize te yingulungulu, yibi yinji alingile lingile ku meso ja Mwene Zambi.

Ubutukilo 13:13 Iomraidhean Croise

Ubutukilo 10:9

Iye te chinyanga munene kumeso ja Yehova, kashika akwamba ngwo, Ngwe Nimorote chinyanga munene kumeso ja Yehova.

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ubutukilo 18:20

Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye,

Ubutukilo 19:13

Mumu mutwonwona limbo lino ha mukunda lufuma wo wahiana kumeso ja Yehova, mba Yehova hatutuma mukulionwona.

Ubutukilo 38:7

Alioze Ere mwana mutangu wa Yunda, wapwile chingulungulu kumeso ja Yehova, kashika Yehova yamushiha.

Ubutukilo 39:9

Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

Ubutukilo 6:11

Hashi hapihile kumeso ja Zambi. Hashi te hazala to ni upupilo.

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Mateu 9:10

Shimbu achili ku mesa mu zuwo, akwa kufwetesa lijimu ni yivulumunyi anji ejile, atwamine ku mesa hamwe ni Yesu ni tumbaji twenyi.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.

Yoano 9:31

Alioze tunanyingika Zambi keshi kwivwa yivulumunyi: alioze kachi umwe mapwa mukwa kuwayila Zambi, malinga upale wenyi, yoze mamwivwa.

A-ROMA 1:27

chizechene malunga nawa, nikuhichika chize chinate ni mapwo, asasaminyine mu usolo wo umwe kuli mukwo ni mukwo, lunga ni lunga nikulinga sonyi, no nikutambula muli ayo ene fweto yize yinalite ni kupianguka cho.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

1 Samuel 15:18

Yehova wakutumine wenyi. Yamba ngwenyi, Yako ukanongese liakulu wano akwa shili A-Amaleke ukase no jita ndo makuwa.

1 Samuel 2:17

Kashika mulonga wa wano akweze wapwile unene chikolo kumeso ja Yehova mumu mulambu wa Yehova te hiwalumuka chizelwokeso kuli atu.