Ubutukilo 13:10 - MUKANDA USANDU WA ZAMBI 1975

¹⁰ Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Mukanda Wa Zambi 1970

¹⁰ Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora).

Ubutukilo 13:10 Iomraidhean Croise

Ubutukilo 11:27

Yisemuko ya Tera yino; Tera yasema Apalama, ni Nehore, ni Harane. Harane yasema Lote.

Ubutukilo 13:11

Kashika Lote yalitongwela chana cha Yordau. Lote yatalikisa ku Chivumbuko, chocho yalihandununa umwe kuli mukwo.

Ubutukilo 13:9

Chifuchi cheswe te kuchishiko kumeso je, nyi? Ngunaliumbu, lihandunune ni yami. Nyi yena muoya ku chimeso, ami munguya ku chindume. Nyi yena muoya ku chindume ami munguya ku chimeso.

Ubutukilo 14:2

O ashile jita ni Mbera mwanangana wa Sondome ni Mbisha mwanangana wa Ngomora, ni Shinape mwanangana wa Andama, ni Shemene mwanangana wa Zepoime, ni mwe mwanangana wa Mbela (likwo Zoare).

Ubutukilo 14:8

Yikutuhuka mwanangana wa Sondome, ni mwanangana wa Ngomora, ni mwanangana wa Andama ni mwanangana wa Zepoime, ni mwanangana wa Mbela (likwo Zoare), yalisela mu chikulo cha Shindime akase jita;

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 47:6

Chifuchi cha Engitu chili kumeso je, kashika tungisa tatenu ni ayayenu mu chihanda chipema cha chifuchi. Atunge mu Ngoshone. Nyi unanyingika amwe akwa kujama hakachi ko Ukaapwise akwa kuyula ha ngombe jami.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

1 Yitanga Ya Mianangana 7:46

Ha chikulo cha Yordau mwanangana yayizuzulula haze hatwama uma hakachi ka Sukote ni Zaretane.

Jobe 40:23

Chipwe mwe lwiji mazala keshi kwivwa woma; chipwe Yordau malamba ku kanwa lienyi hindu kapinjile.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Izaya 51:3

Mumu Yehova mawumbijeka Zaione; kumakawumbijeka yihela yenyi yeswe ya hululu, kumakapwisa puya yenyi ngwe Endene. Kango yenyi muyipwa ngwe munda wa Yehova. Mawana uwahililo ni chiseke muli iye, hamwe ni kusakwila ni liji lia miaso.

Jeremia 48:34

Heshebone ni Eleale kanatete; ndo ku Yahaze anatete ni liji lio; chize ku Zoare ndo ku Horonaime ni Eglata-Shelishia. Mumu ku meya ja Nimerime kunalumuka kwa hululu.

Ezekiel 16:46

Yayenu aye Samaria yoze Watwamine ni anenyi a mapwo sali ha ku Norte. Mwanakwenu yoze Watwamine sali ha ku Sule aye Sondome ni anenyi a mapwo.

Ezekiel 16:49

Uhie wa mwanakwenu Sondome uno: aye ni anenyi a mapwo endele nikulengumuka, ni kukuta ni kulia chinji, ni kuhwima ni kulu-mbama cha kuwaha, alioze kakwashile yiswale ni akwa kuhona.

Ezekiel 28:13

Wapwile mu Endene, munda wa Zambi; mawe eswe a ndando yilemu apwile chifuko che, sartiu, ni topajiu, ni diamante, ni turkeza, ni sardonica, ni jasepe, ni safwira, ni carbunkulu, ni esmeralda, ni oru. Utotombo wa tumikupiela twe ni ndembo je wapwile muli yena; ha tangwa lize akutangile ayilulikile.

Ezekiel 31:8

Misedru ya munda wa Zambi kuyahashile kulitesa nawo, chipwe mitondo ya kupresu kuyahashile kulitesa ni mitango yawo. Mitondo ya kastanyeru kuyapwile nichimwe ha kulieseka ni mitango yawo. Niumwe mutondo wa mu munda wa Zambi walifwile nawo ha upeme.

Ezekiel 31:9

Naupemesene ni kulumbama cha mitango yawo, kashika mitondo yeswe ya mu Endene yauvwilile ukwa, yize yapwile mu munda wa Zambi.

Ezekiel 47:18

Sali lia ku Chivumbuko njiza muyikatuka ku Hazare-enone hakachi ka Haurana ni Ndamaseku. Muyilisesa ni Yordau hakachi ka Ngiliate ni chifuchi cha Izalele, ndo ku Kalunga-lwiji wa ku Chivumbuko ndo ku Tamare. Ye njiza ya ku Chivumbuko yenayo.

Joele 2:3

Kulutwe lio kahia kukanalalisa, mba kunyima lio milengi yinalengenya. Kulutwe lio chifuchi chapwa ngwe munda wa Endene; kunyima lio kwapwa ngwe kango lia hululu, niumwe mutu momboka kuli ayo.

Shimbi 34:3

ni ku Negeve ni chana cha chikulo cha Yeriku, limbo lia mingaji ndo ku Zoare.