Ubutukilo 12:8 - MUKANDA USANDU WA ZAMBI 1975

⁸ Yatutulukako, yeza ku mulundu wa ku sali lia Chivumbuko lia Mbetele. Yajika mbalaka yenyi, Mbetele ku Chitokelo, Ehai ku Chivumbuko. Yatungilako chilumbilo Yehova, yasanyika ha jina lia Yehova.

Mukanda Wa Zambi 1970

⁸ Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 12:8 Iomraidhean Croise

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 13:3

Yenda mu jila yenyi chize ku Negeve ndo ku Mbetele, kuma kuze ajikile mbalaka yenyi hatangu, hakachi ka Mbetele ni Ehai.

Ubutukilo 13:4

Kuma kuze kwa chilumbilo chize atungile hatangu. Kwenako Apalama yasanyika ha jina lia Yehova.

Ubutukilo 21:33

Apalahama yatumba mutondo ku Mbia-shipa, yatambika Yehova ha jina lienyi, mwe Zambi wa mutolo.

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 26:25

Iye yatunga kuze chilumbilo, yasanyika ha jina lia Yehova; yatungako mbalaka yenyi; mba ngamba jenyi yashimako shima lia meya.

Ubutukilo 28:19

Yaluka jina kuma kuze ngwenyi, Mbetele. Alioze jina liako hatangu te Luze.

Ubutukilo 31:25

Chocho Lapane yawana Yakomba. Yakomba te hajika mbalaka jenyi mu milundu, mba Lapane ni usoko wenyi yajika mbalaka jo mu milundu ya Ngiliate.

Ubutukilo 33:20

Yatungaho chilumbilo, yachiluka jina ngwenyi, Ele-Lohe-Izalele.

Ubutukilo 35:3

tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

Ubutukilo 35:7

Watungileko chilumbilo, yalukaho jina ngwenyi, Ele-mbetele, mumu kwenako Zambi walisolwele kuli iye muze wachinyine kumeso ja yayo.

Ubutukilo 4:26

Ni Sete nawa yasema mwana wa lunga, yamuluka jina ngwenyi, Enoshe. Ha matangwa aze atu aputukile kusanyika ha jina lia Yehova.

Ubutukilo 8:20

Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

Nehemia 11:31

A-Mbenjamine atwamine kulutwe lia Ngeba ku Mikimashi ni Aija, ni ku Mbetele ni yihunda yako;

Miaso (Masamu) 116:4

Mba natambikile ku jina lia Yehova, ngwami, Yehova, ngunaliumbu, pulula kama mwono wami.

Kutuhuka 17:15

Mose wafungile chilumbilo, yachiluka jina ngwenyi, Yehova-Nissi.

Izaya 10:28

Haheta ku Aiate; hahiana ndusu mu Migrone; hatulikila yikwata yenyi ku Mikimashi.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Yoshua 18:22

ni Mbete-Arapa, ni Zemaraime, ni Mbetele,

Yoshua 22:10

Muze ahetele ku chifuchi cha Yordau hindu chili mu chifuchi cha Kanana, A-Rupene, ni A-Ngate, ni chihanda cha ha muchima cha munyachi wa A-Manase atungileko chilumbilo kwe ku Yordau. Chilumbilo te chinene.

Yoshua 7:2

Yoshua wakatwishile malunga ku Yeriku akaye ku Ayi, chihunda cha kusulangana ni Mbete-Avene ku sali lia Chivumbuko lia Mbetele. Yamba kuli ayo ngwenyi, Yénu nukendese chifuchi. E malunga ayile nikwendesa Ayi.

Yoshua 8:12

Yasakula ngwe tununu atano a malunga, yaatuma kujikinyina hakachi ka Mbetele ni Ayi, sali lia chihunda ku Chitokelo.

Yoshua 8:17

Kukwasalile chipwe lunga umuwika mu Ayi, chipwe mu Mbetele yoze kakawile A-Izalele. Ahichikile chihunda cha washi nikukaula A-Izalele.

Yoshua 8:3

Chocho Yoshua yakatuka ni tujita eswe akaye ku Ayi. Yoshua yasakula makumi atatu a tununu twa yitakame, akwa hamu, yaatuma ha ufuku.

Yoshua 8:30

Henaho Yoshua yatunga chilumbilo kuli Yehova Zambi ya Izalele ha mulundu wa Epale,

Yoshua 8:9

Chocho Yoshua yaatuma. O ayile kuma kuze kwa kujikinyina, hakachi ka Mbetele ni Ayi, sali lia Chitokelo lia Ayi. Alioze Yoshua yapomba ufuku uze hakachi ka e atu.

Akwa Kuyula 6:24

Henaho Ngideone yatunga chilumbilo kuli Yehova, yachiluka jina ngwenyi, Yehova-Shalome. Kuchili ndo musono ku Ofra wa A-Abieza.

1 Samuel 30:27

Chayile kuli waze mu Mbetele, ni mu Ramote ya Negeve, ni mu Yatiri,