Ubutukilo 12:7 - MUKANDA USANDU WA ZAMBI 1975

⁷ Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Mukanda Wa Zambi 1970

⁷ Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 12:7 Iomraidhean Croise

Ubutukilo 12:8

Yatutulukako, yeza ku mulundu wa ku sali lia Chivumbuko lia Mbetele. Yajika mbalaka yenyi, Mbetele ku Chitokelo, Ehai ku Chivumbuko. Yatungilako chilumbilo Yehova, yasanyika ha jina lia Yehova.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 13:17

Katuka wendese chifuchi ndusu, ni ku usuhe wacho ni ku utohe wacho mumu ngunakwehecho yena.

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 13:4

Kuma kuze kwa chilumbilo chize atungile hatangu. Kwenako Apalama yasanyika ha jina lia Yehova.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 17:3

Apalama yafulamana ha meso jenyi, mba Zambi yahanjika nenyi ngwenyi,

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 18:1

Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa.

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 26:25

Iye yatunga kuze chilumbilo, yasanyika ha jina lia Yehova; yatungako mbalaka yenyi; mba ngamba jenyi yashimako shima lia meya.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 32:30

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Ubutukilo 33:20

Yatungaho chilumbilo, yachiluka jina ngwenyi, Ele-Lohe-Izalele.

Ubutukilo 35:12

Chifuchi nahanyine kuli Apalahama ni kuli Izake, munguchihana kuli yena ni ku munyachi we kulutwe lie.

Ubutukilo 35:7

Watungileko chilumbilo, yalukaho jina ngwenyi, Ele-mbetele, mumu kwenako Zambi walisolwele kuli iye muze wachinyine kumeso ja yayo.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Ubutukilo 8:20

Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

2 Samuel 24:25

David watungileko chilumbilo kuli Yehova. Yalambulako milambu ya kulumba ni milambu ya sambukila. Chocho Yehova wevwile kulemba ha chifuchi, mba chilungo chapatukile hakachi ka A-Izalele.

1 Yitanga Ya Mianangana 18:32

Yatunga ni mawe aze chilumbilo mu jina lia Yehova. Yafula kapila munene kwa kujingilika chilumbilo ngwe cheseko cha njongo jiali ja mbuto.

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

1 Sango Ja Mianangana 16:18

ngwenyi, Kuli yenu munguhana chifuchi cha Kanana, njiza ya chihinga chenu.

2 Sango Ja Mianangana 20:11

Tala haliapwila chize anatukundulula. Haneza kutumbila mu chihinga che chino hiwatwaha kuswana.

2 Sango Ja Mianangana 20:7

Zambi yetu, te kwahumine akwa chifuchi chino kumeso ja atu je A-Izalele? Kwachihanyine kuli ana ja kasendo ke Apalahama ku miaka ya mutolo nyi?

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Kutuhuka 17:15

Mose wafungile chilumbilo, yachiluka jina ngwenyi, Yehova-Nissi.

Kutuhuka 24:4

Mose yasoneka maliji eswe a Yehova, yalimeneka chimenemene mbwi, yatunga ku kulwa mulundu chilumbilo ni kumi lia manguji ni manguji aali nikulita ni mavungu a A-Izalele kumi ni aali.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Kutuhuka 33:1

Yehova yamba kuli Mose ngwenyi, Yako ukakanduke hamwe ni atu aze waachijile ku chifuchi cha Engitu, ndo ku chifuchi chize nalishingile ni shingo kuli Apalahama ni Izake ni Yakomba ngwami, Mungukachihana ku munyachi we.

Kutuhuka 6:3

Nalisolwele kuli Apalahama ni kuli Izake ni kuli Yakomba ngwami, Yami Zambi Mukwa-Ndundo-Jeswe. Alioze ku jina liami lia Yehova, o kamunyingikine.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Kwalula 26:53

Akatetele wano chifuchi akachihinge nikulita ni kwalula cha majina jo.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

A-ROMA 9:8

Te hi ana a musunya ko anapu ana a Zambi; alioze ana a chilakenyo kanaalula ngwo, Munyachi.

Galashia 3:16

Achi, ahanjikile yilakenyo kuli Apalahama, ni ku munyachi wenyi. Kambile ngwenyi, Ku minyachi, ngwe kuli anji; alioze ngwe umuwika, ngwenyi, Kuli munyachi we, mwenawo Kristu.

Galashia 4:28

Achi, yetu, mandumbu, chizechene ngwe Izake, tuli ana a chilakenyo.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 6:10

Muze Yehova Zambi yenu manuhetesa mu chifuchi alishingile iye kuli tulamba twenu ni kuli Apalahama, ni kuli Izake, ni kuli Yakomba, mukunwaha membo anene, apema, enu kunwaatungile,

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Hebreu 11:13

Wano eswe afwile nikulita ni Ufulielo, katambwile yilakenyo, aiioze ayimwene kusuku; ayisambililile; atayijile ngwo, Tuli ngeji ni njize hano hashi.

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 22:10

Muze ahetele ku chifuchi cha Yordau hindu chili mu chifuchi cha Kanana, A-Rupene, ni A-Ngate, ni chihanda cha ha muchima cha munyachi wa A-Manase atungileko chilumbilo kwe ku Yordau. Chilumbilo te chinene.

Yoshua 8:30

Henaho Yoshua yatunga chilumbilo kuli Yehova Zambi ya Izalele ha mulundu wa Epale,

Akwa Kuyula 6:24

Henaho Ngideone yatunga chilumbilo kuli Yehova, yachiluka jina ngwenyi, Yehova-Shalome. Kuchili ndo musono ku Ofra wa A-Abieza.

1 Samuel 7:17

Alioze wafulukile matangwa eswe ku Rama se kwenako kwapwile zuwo lienyi mba yayulilako A-Izalele. Yatungilako chilumbilo kuli Yehova.