Ubutukilo 12:6 - MUKANDA USANDU WA ZAMBI 1975

⁶ Apalama yapalika ndusu mu chifuchi ndo ku chihela cha Shekeme, ku mutondo uze uli ku More, A-Kanana te achili mu chifuchi.

Mukanda Wa Zambi 1970

⁶ Abrama yendangana mu chifuchi chize ndoo yaheta hamwe homa ha kuwayila, ku mutondo shene, jina liawo More, mu limbo lia Shekeme. (Ha matangwa waze akwa Kanana te kwenako atwama.)

Ubutukilo 12:6 Iomraidhean Croise

Ubutukilo 10:15

Kanana yasema kapula-jimo Sendone, ni Hete,

Ubutukilo 13:7

Kwapwile kulitachika hakachi ka akwa kufunga yimuna ja Apalama ni akwa kufunga yimuna ja Lote. A-Kanana ni A-Perize achili mu chifuchi.

Ubutukilo 33:18

Chocho Yakomba yaheta ni sambukila ndo ku chihunda cha Shekeme mu chifuchi cha Kanana, ha kukatuka ku Panda-narame. Yasa mbalaka yenyi kulutwe lia chihunda.

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 35:4

Mba yahana kuli Yakomba mahamba eswe a tundaka apwile no, ni yingelengele apwile nayo mu matwi jo. Yakomba yayivumbika mushi lia mutondo wa carvalho ku Shekeme.

1 Yitanga Ya Mianangana 12:1

Rehoboame yaya ku Shekeme mumu A-Izalele eswe haya ku Shekeme akamupwise mwanangana.

1 Yitanga Ya Mianangana 12:25

Jeroboame yatungisa Shekeme mu chifuchi cha Eframe ku milundu, watwamineko. Yakatukako yatungisa Penwele.

Miaso (Masamu) 60:6

Zambi hanahanjika ni usandu wenyi, kashika mungulikwiza. Mungupula Shekeme. Munguzonga chikulo cha Sukote.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Yoano 4:5

Kashika yaheta ku limbo lia mu Samaria, jina lialio Saika, kwakusulangana ni munda uze ahanyine Yakomba kuli mwanenyi José.

Yilinga 7:16

mba aatwalile ku Shekeme, aafunjile mu fuka lize alanjile Apalahama ni ndando ya mbongo kuli ana ja Hamore mu Shekeme.

Shimbi 11:30

Kuyapwile mu sali lia Yordau nyi? Mu sali lia tapalo ku Chitokelo, mu chifuchi cha A-Kanana, akutwama mu Arapa, hatalanganyi ni Ngilingali ku kulwa carvalho ya More.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Yoshua 20:7

Chocho ahandunwine Kendeshe mu Ngalileya mu chifuchi cha Napatali mu milundu, ni Shekeme mu chifuchi cha Eframe mu milundu, ni Kiriate-Arpa (ngwami Heprone) mu chifuchi cha Yunda mu milundu.

Yoshua 24:32

Yifwaha ya José yize A-Izalele achijile ku Engitu afunjile mu Shekeme, mu chihela Yakomba walanjile kuli ana ja Hamore, tato ya Shekeme, ha ndando ya kulakaji lia mbongo. Chalumukine chihinga cha A-José.

Akwa Kuyula 7:1

Mba Njerubale (mwe Ngideone) ni waze eswe apwile nenyi alimenekene nikujika chilombo cho ku shima lia meya ku Harode. Chilombo cha A-Mindiane chapwile ku sali lia ku Norte ku mulundu wa More, kwe ku chikulo.

Akwa Kuyula 9:1

Apimeleke mwana Njerubale yaya ku Shekeme kuli usoko wa naye. Yalishimwinya no hamwe ni usoko weswe wa tato ya naye ngwenyi,