Ubutukilo 12:2 - MUKANDA USANDU WA ZAMBI 1975

² Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Mukanda Wa Zambi 1970

² Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 12:2 Iomraidhean Croise

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 17:20

Alioze ha kutwala kuli Ishemali, hinakwivwa, hinamuwahisa. Iye kumapwa semi, mungukamwokesa kuhiana. Kumi lia mianangana ni mianangana aali makasema. Mungukamupwisa vungu linene.

Ubutukilo 18:18

Se Apalahama makapwa vungu linene lia tachi, mba mavungu eswe a hashi makaawahisa muli iye.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 19:29

Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.

Ubutukilo 24:1

Apalahama wapwile mukulwana, miaka yenyi hiyoka. Yehova te hawahisa Apalahama mu yuma yeswe.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 25:11

Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 27:29

Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

2 Samuel 7:9

Nendele hamwe ni yena kweswe wayile. Hinasutula akwa kole je eswe kumeso je, mba mungukwaha jina lilemu ngwe majina ja e alemu a hashi.

1 Yitanga Ya Mianangana 1:47

Chikwo nawa tuvumbi twa mwanangana kezanga mukuhalisa mwene wetu mwanangana David ngwo, Zambi yenu akafumanyise jina lia Solomone kuhiana jina lienu, ni ngunja yenyi yikahiane ngunja yenu, mba mwanangana yahetamina ha muhela.

Jobe 35:8

Ungulungulu we watwala kuli mutu ni mukwenu, ni ululi we unatwala kuli umwe mwana mutu.

Miaso (Masamu) 107:38

Kakwawahisa nawa akaliokese chikolo. Chipwe yimuna jo kechi kwatayiza katepuluka.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Kutuhuka 32:10

Kashika, haliapwila, Ungweche hanga utenu wami usasaminye hali ayo, ngwaonwone mba mungukapwisa yena vungu linene.

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Ezekiel 34:26

Mungukaapwisa akwa kuwahisa akwo, ni yihela yeswe ya kujingilika mulundu wami mungukayipwisa yikwa kuwahisa. Mungukatuma vula ha mwaka wenyi, vula wa kuwahisa.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Kwalula 14:12

Kumungwalamba ni chilungo, kumungwakundukila chifuchi, kumungupwisa yena vungu linene, liakangana, vungu lia ayo te likepe.

Kwalula 22:12

Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Kwalula 23:20

Hinatambula shimbi ya kuwahisa. Iye hanawahisa, yami chichi kuhasa kuchalumuna.

A-ROMA 4:11

iye watambwile chinyingi cha ungalami, Chijikilo cha ululi wa Ufulielo, uze wapwile nawo shimbu te achili chilima: hanga akapwe tato ya waze eswe akufuliela, chipwe yilima; hanga akalule ululi kuli ayo nawa:

Galashia 3:14

Hanga uwape wa Apalahama ukeze hali akwa mavungu muli Kristu Yesu; hanga tukatambule chilakenyo cha Spiritu ku Ufulielo.

Galashia 3:7

Kashika nyingikenu waze a ku Ufulielo e ana a Apalahama waze.

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.