Ubutukilo 12:16 - MUKANDA USANDU WA ZAMBI 1975

¹⁶ Iye walingile kanawa ni Apalama mumu hali pwo. Yapita mapanga, ni ngombe, ni kuji a yimbulu, ni ndungo ja malunga ni a mapwo, ni yihwo ja yimbulu ni tumelu.

Mukanda Wa Zambi 1970

¹⁶ Mwanangana yalingila Abrama yibema mumu hali Sarai. Yakwaha ndungo a malunga ni a mapwo, ni ngombe, ni tumelu, ni yimbulu ni mapanga.

Ubutukilo 12:16 Iomraidhean Croise

Ubutukilo 13:2

Apalama yapita yimuna, ni prata, ni oru yinji.

Ubutukilo 13:6

Kashika chifuchi kuchaatele akatwame hamuwika, mumu upite wo woka kashika kahashile kutwama hamuwika.

Ubutukilo 16:1

Serai pwo lia Apalama kamusemenene ana, alioze te kali ni ndungo umwe, Ka-Engitu, jina lienyi Hekare.

Ubutukilo 20:14

Mba Apimeleke yanda mapanga, ni ngombe, ni ndungo ja malunga, ni ndungo ja mapwo, yaahana kuli Apalahama, yamuhilwisa Sara pwo lienyi.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 26:14

Te kali ni upite wa mapanga ni ngombe ni akwa zuwo lienyi anji, mba A-Filistea yamuvwila chipululu.

Ubutukilo 30:43

Mba mwe lunga wapichile chikolo. Wapwile ni yendo yinene, ni ngamba ja mapwo ni a malunga, ni tumelu ni yimbulu.

Ubutukilo 32:5

Hinazuka ngombe, ni yimbulu, ni yimuna, ni ndungo ja malunga ni ndungo ja mapwo. Ngunatumu kuhanjika ni yena mwata wami Ukangulinge vumbi.

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Luka 12:45

Alioze kachi ndungo yoze mamba mu mbunge yenyi ngwenyi, Mwene wami kanashimbula; maputuka kulamba akweze ni ana-mapwo akwa milimo, nikulialia, nikunwanwa, nikuzengewa.