Ubutukilo 12:13 - MUKANDA USANDU WA ZAMBI 1975

¹³ Ngunaliumbu, amba ngwe, Nguli ndumbwenyi, hanga chikapwe kanawa ni yami mumu hali yena, ngukatwame ni mwono mumu ha mukunda wa yena.

Mukanda Wa Zambi 1970

¹³ Ngunakulembe muwamba ngwe, ‘Nguli ndumbwenyi.’ Ha chino, keechi kungushiha, mungutwama kanawa mumu hali yena.”

Ubutukilo 12:13 Iomraidhean Croise

Ubutukilo 11:29

Ni Apalama ni Nehore yambata mapwo. Pwo lia Apalama jina lienyi Serai. Pwo lia Nehore jina lienyi Milika mwana wa Harane, iye kali ni ana aali, mukwo Milika mukwo Iseka.

Ubutukilo 12:14

Chocho yichipwa, muze Apalama yaheta ku Engitu akwa Engitu yamona mwe pwo Wahiana kupema.

Ubutukilo 20:2

Apalahama yamba ha kutwala kuli mukwo-pwo Sara ngwenyi, Iye ndumbwami. Mba Apimeleke mwanangana wa Ngerare yatuma asake Sara.

Ubutukilo 20:5

Te kambile kuli yami ngwenyi, Iye ndumbwami, nyi? Ni mwe pwo nawa mwene te kambile kuli yami ngwenyi, Iye ndumbwami nyi? Mu kutuwika cha mbunge yami ni kusamba cha moko jami nachilinga.

Ubutukilo 26:7

Mba malunga enyembo yamuhula ha kutwala kuli mukwo-pwo. Iye yamba ngwenyi, Ndumbwami. Mumu woma evwile wakwamba ngwenyi, Mukwetu-pwo kuchina malunga a chifuchi hanji mamushiha akazuke Rebeka mumu iye mupema ku meso.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 38:20

Jeremia yamba ngwenyi, Kechi kunukunjika kuli ayo. Ononokenu haliapwila ku liji lia Yehova ha chuma chino ngunambe kuli yenu mba muchiwaha ni yenu, ni kechi kunushiha.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

Kolosu 3:6

mumu ha yuma yino utenu wa Zambi kumuwiza hali akwa uhulia.