Ubutukilo 12:11 - MUKANDA USANDU WA ZAMBI 1975

¹¹ Mba muze te hakundama akanjile ku Engitu, yamba kuli mukwo-pwo Serai ngwenyi, Tala, ngunanyingika yena uli chileza ku meso.

Mukanda Wa Zambi 1970

¹¹ Muze te hakundama akanjile mu Egiptu, yambila mukwo pwo ngwenyi: “Tala, yena uli chileza ku meso.

Ubutukilo 12:11 Iomraidhean Croise

Ubutukilo 12:14

Chocho yichipwa, muze Apalama yaheta ku Engitu akwa Engitu yamona mwe pwo Wahiana kupema.

Ubutukilo 20:13

Muze Zambi yanguchiza ku zuwo lia tata ngukendangane, yingwamba kuli iye ngwami, Ukangulinge vumbi lino, kweswako mutukaheta ukambe ha kutwala kuli yami ngwe, Iye ndumbwami.

Ubutukilo 20:2

Apalahama yamba ha kutwala kuli mukwo-pwo Sara ngwenyi, Iye ndumbwami. Mba Apimeleke mwanangana wa Ngerare yatuma asake Sara.

Ubutukilo 24:16

Mwe mwana-pwo wapemene chikolo ku meso, iye virgem se kanda achilimona ni lunga. Yapalumuka ku fuji lia meya, yazalisa mulondo wenyi, yakanduka.

Ubutukilo 26:7

Mba malunga enyembo yamuhula ha kutwala kuli mukwo-pwo. Iye yamba ngwenyi, Ndumbwami. Mumu woma evwile wakwamba ngwenyi, Mukwetu-pwo kuchina malunga a chifuchi hanji mamushiha akazuke Rebeka mumu iye mupema ku meso.

Ubutukilo 29:17

Meso ja Liya te kahweka, alioze Rakele iye mupema, chileza lume.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

1 Yitanga Ya Mianangana 1:4

Mwe mwana-pwo wapwile te mupema chikolo. Wafungile mwanangana nikumuvumbika, ahoze kalimwene nenyi.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Mwaso Ubema Wahiana 1:14

Mukwa zango liami kapwa kuli yami ngwe chichakata cha yitemo ya hena mu minda ya uva ku Engedi.

1 Samuel 25:3

Jina lia mwe lunga Nabale. Jina lia mukwo-pwo Abigale. Pwo iye mukwa mana anji, chileza, alioze lunga mukwa kuvutuka, keshi vumbi, wa ku munyachi wa Kalemba.