Ubutukilo 12:1 - MUKANDA USANDU WA ZAMBI 1975

¹ Yehova te hamba kuli Apalama ngwenyi, Katuka ku chijima che, ni kuli usoko we, ni kuli akwa zuwo lia tatenu, uye ku chifuchi mungukulwezacho.

Mukanda Wa Zambi 1970

¹ Mwene Zambi yambila Abrama ngwenyi: “Katuka muno mu chifuchi che, hichika usoko we ni limbo lia tatenu, hanga uye mu chifuchi chize mungukulweza.

Ubutukilo 12:1 Iomraidhean Croise

Ubutukilo 15:7

Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Ubutukilo 20:13

Muze Zambi yanguchiza ku zuwo lia tata ngukendangane, yingwamba kuli iye ngwami, Ukangulinge vumbi lino, kweswako mutukaheta ukambe ha kutwala kuli yami ngwe, Iye ndumbwami.

Ubutukilo 24:38

Alioze muoya kuli munyachi wa tata kuli usoko wami, ukasakile pwo mwanami.

Ubutukilo 24:4

Alioze mukaya ku chifuchi chami, kuli usoko wami ukasakile pwo mwanami Izake.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 26:2

Yehova yasoloka kuli iye ngwenyi, Kanda upalumuka ku Engitu, twama mu chifuchi ngunakulweze.

Nehemia 9:7

Yena uli Yehova, mwe Zambi. Watongwele Apalama; wamuchijile ku Ure ya A-Kaletea nikumwaha jina lia Apalahama.

Izaya 37:12

Mazambi a mavungu te hanaapulula, waze atata hanonwona, ngwami, Ngozane, ni Harane, ni Rezefa, ni ana ja Endene waze apwile mu Telasare?

Izaya 41:9

ena nakuchijile ku masongo a hashi, nakutambikile ku mbango jisuku, nikwamba kuli yena ngwami, Uli kavumbi kami, nakutongwele, chakumbilile;

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Kwalula 10:30

Mwe Hobabe yamba kuli iye ngwenyi, Chichi i kuyako. Munguya ku chifuchi chami mwene ni kuli usoko wami.

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.

Usolwelo 18:4

Mba nevwile liji likwo lia kukatuka mwilu, ngwo, Tuhukenumo, atu jami, hanga kunuchi kaliendela ni milonga yenyi, hanga kunuchi katambula ya ku lamba lienyi;