Ubutukilo 11:7 - MUKANDA USANDU WA ZAMBI 1975

⁷ Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Mukanda Wa Zambi 1970

⁷ Tuhulumukenu, tubinjise liji ho, hanga keechi kulivwa hakachi ko.”

Ubutukilo 11:7 Iomraidhean Croise

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Ubutukilo 10:20

Wano e ana ja Hame a malunga, nikulita ni minyachi, ni malimi, mu yifuchi yo, ni mavungu jo.

Ubutukilo 10:32

Wano e ana ja Noe a malunga nikulita ni yisemuko yo mu mavungu jo. Wano yalipulapula mavungu hashi kulutwe lia sanga lia meya.

Ubutukilo 10:5

Alitechelele mbaka ja mavungu hakachi ka wano mu yifuchi yo nikulita ni malimi jo ni minyachi yo ni mavungu jo.

Ubutukilo 11:5

Alioze Yehova yahulumuka akamone limbo ni kaposhi yoze ana ja atu machitunga.

Ubutukilo 3:22

Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe…

Ubutukilo 42:23

O kanyingikine ngwo, José kanatwivu, mumu kwapwile mukwa kulumbununa hakachi.

Jobe 12:20

Kakukukumisa ngaji; kakujimisa mana ja makulwana.

Miaso (Masamu) 2:4

Yoze watwama mu malilu kumakaseha, mwe Mwene kumakaayunga.

Miaso (Masamu) 33:10

Yehova kakupwisa yamokomoko yiyulo yeswe ya mavungu; manyonga eswe a atu kakwapwisa amokomoko.

Miaso (Masamu) 55:9

Mwene, wonwone kama. Pula limi lio, mumu hinamona upupilo ni kulitachika mu limbo.

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Izaya 33:19

Akwa shino kunuchi kaamona nawa, akwa limi likalu kulianulumbunukine, te limi lia kukukuma kunwalivwile.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Jeremia 5:15

Yehova kanambe ngwenyi, Enu munyachi wa Izalele, ngunanukokela limwe vungu lia kusuku. Vungu lize Hapwa Ha kulinduluka, Hapwa Ha ku shakulu. Vungu limwe kunwanyingikine limi lio, ni chize mamba kuchichi kunulumbunuka.

1 Korintu 14:23

Kashika nyi chikungulwila cheswe muchikunguluka muma mumuwika ni eswe mahanjika mu malimi, nyi manjila atu aze kanyingikine, waze keshi kufuliela, kechi kwamba ngwo, Nunazaluka, nyi?

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,