Ubutukilo 11:5 - MUKANDA USANDU WA ZAMBI 1975

⁵ Alioze Yehova yahulumuka akamone limbo ni kaposhi yoze ana ja atu machitunga.

Mukanda Wa Zambi 1970

⁵ Hohene Mwene Zambi yahulumuka akamone lie limbo ni ye ndalo.

Ubutukilo 11:5 Iomraidhean Croise

Ubutukilo 18:21

munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.

Miaso (Masamu) 11:4

Yehova mwali mu tembele yenyi yisandu. Ngunja ya Yehova mwilu yili. Meso jenyi ni yindayizo yenyi kuyakutala, kuyakweseka ana ja atu.

Kutuhuka 19:11

Akalilulike tangwa liamuchitatu mumu ha tangwa liamuchitatu Yehova makahulumuka ndo ha mulundu wa Sinai kumeso ja atu eswe.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Kutuhuka 19:20

Yehova yahulumuka ndo ha mulundu wa Sinai, e ndo ha mbulwa mulundu. Yehova yatambika Mose eze ha mbulwa mulundu. Mose yakanduka.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.