Ubutukilo 11:3 - MUKANDA USANDU WA ZAMBI 1975

³ Yaliamba umwe kuli mukwo ni mukwo ngwo, Tuyenu tutenge tijolo tukayoche kanawa. Chocho apwile ni tijolo kusalakana mawe, ni malowa kusalakana ndambo.

Mukanda Wa Zambi 1970

³ Yaalihanjikisa ngwo: “Tuyenu tuumbenu tujolo (briki), tukooche kanawa.” Chenacho alingile, mba yaabwa ni tujolo (briki) ha kutunga no ni usolososhi (goudron) ha kwakolesa.

Ubutukilo 11:3 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Ubutukilo 11:7

Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Ubutukilo 14:10

Chikulo cha Shindime cha tò ni mena a malowa, mba mianangana a Sondome ni Ngomora yachina mba yafwilamo. Waze kafwile o yachinyina ku milundu.

2 Samuel 12:31

Yachizamo atu aze apwilemo nikwasela ku selalo, ni ku yikungo ya kulima nayo, ni ku njimbu ja utale, nikwalingisa ku utengelo wa tijolo. Chocho walingile ku yihunda yeswe ya A-Amone. Mba David ni atu eswe yahiluka ku Yerusaleme.

Miaso (Masamu) 64:5

Kakulisongojola mu kutaha chipi. Kakulishimwinya akatele makambwila ku lumbu. Kanambe ngwo, Iya mayimona?

Kutuhuka 1:14

Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.

Kutuhuka 2:3

Muze te kahashile kumusweka nawa yamutungila kawato ka manenga. Yashilako ni kaso ni usososhi. Yatumbikamo mwe mwana mba yakatumbika ku ngenge ya lwiji hakachi ka mbungu.

Yishima 1:11

Nyi mamba ngwo, Tweya ni yetu tukatwaminyine kumwanga manyinga, tukajikinyine waze keshi chitela;

Longeshi 2:1

Nambile mu mbunge yami ngwami, Tuye tweseke chiseke. Wahilila ni chiseke. Alioze acho nawa chapwile chamokomoko.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 65:3

Wano atu kakungwihia kwe kumeso jami matangwa eswe, nikushiha yitapo mu minda nikwochela insensu ha tijolo.

Izaya 9:10

E, tijolo hijapuzuka, alioze mututunga ni mawe a kululika; hateta misuwa, alioze mutusalakanyisa ya sedru.

Nahume 3:14

Tahenu meya ha jita ya kuseleka; kolesenu yihunda yenu ya tachi. Yénu ku uma, chakenu ndambo, kwatenu ku forma ya ndope.

Hebreu 10:24

Tulitalenu umwe kuli mukwo ni mukwo mukukasumuna ku zango ni yitanga yipema.

Hebreu 3:13

Alioze lishinjilenu umwe ni mukwo ni mukwo tangwa ha tangwa, shimbu lieswe analivuluka ngwo, Musono, hanga niumwe wa kuli yenu kechi kakala ku kwonga cha shili.

Tiangu (Jake) 4:13

Achivwenu haliapwila, yenu nwakwamba ngwenu, Musono, hanji hamene, mutukaya ku limbo lia nganji, mutukatwamako mwaka, mutukasepa, mutukafumbuka.

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.