Ubutukilo 11:27 - MUKANDA USANDU WA ZAMBI 1975

²⁷ Yisemuko ya Tera yino; Tera yasema Apalama, ni Nehore, ni Harane. Harane yasema Lote.

Mukanda Wa Zambi 1970

²⁷ Lino lie vungu lia Tera, tato ya Abrama, ni Nahore, ni Harane. Harane mwe tato ya Lote.

Ubutukilo 11:27 Iomraidhean Croise

Ubutukilo 11:31

Mba Tera yatwala mwanenyi Apalama, ni Lote mwana wa Harane mujikulu wenyi, ni Serai tembwa-mwanenyi pwo lia mwanenyi Apalama. Yaya no akatuke ku chifuchi cha Ure wa Kaletea akaye ku chifuchi cha Kanana yeza ku Harane, yatwamako.

Ubutukilo 12:4

Chocho Apalama yakatuka ngwe Yehova yamwamba. Lote yaya hamwe nenyi. Apalama yapwa ni makumi shimbiali a miaka ni miaka yitano muze yakatuka ku Harane.

Ubutukilo 12:5

Apalama yatwala hamwe nenyi mukwo-pwo Serai, ni Lote mwana wa yayo ni upite weswe haupita, ni atu eswe aze haliwezela mu Harane. Chocho yakatuka akaye ku chifuchi cha Kanana, mba ku Kanana yaheta.

Ubutukilo 14:12

Yakwata Lote, mwana wa yayo ya Apalama hamwe ni yikwata yenyi, se iye yatunga ku Sondome, mba yaya nenyi.

Ubutukilo 22:20

Mba kulutwe lia yino yuma yambulwila Apalahama ngwo, Milika hanaseme ana kuli mwanakwenu Nehore.

1 Sango Ja Mianangana 1:27

ni Apalama (mwenawo Apalahama).

Yoshua 24:2

Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

2 Petulu 2:7

Wapulwile Lote, mukwa ululi, wamwene lamba ku kwenda cha ujila cha yingulungulu;