Ubutukilo 10:7 - MUKANDA USANDU WA ZAMBI 1975

⁷ Ana ja Kushe a malunga wano, Sepa, ni Havila, ni Satahe, ni Raema, ni Seteka. Ni ana ja Raema a malunga wano, Shipa ni Ndetane.

Mukanda Wa Zambi 1970

⁷ Mavungu ja Kushe wano: akwa Seba, ni akwa Havila, ni akwa Sabtahe, ni akwa Rama, ni akwa Sabteka. Mavungu ja Rama wano: akwa Sheba, ni akwa Detane.

Ubutukilo 10:7 Iomraidhean Croise

Ubutukilo 10:8

Kushe yasema Nimorote. Iye waputukile kupwa mukwa ndundo hashi.

Ubutukilo 2:11

Jina lia lwiji mutangu Pishone, mwenawo wajingilika chifuchi cheswe cha Havila kuze kwatwama oru.

1 Yitanga Ya Mianangana 10:1

Muze mwanangana wa pwo wa Shipa yevwa lufuma wa Solomone wa kutwala ku jina lia Yehova, yeza kumweseka ni yihula yikalu.

1 Sango Ja Mianangana 1:9

Ana ja Kushe a malunga wano: Sepa, ni Havila, ni Satahe, ni Raema, ni Seteka. Ana ja Raema a malunga wano: Shipa ni Ndetane.

Jobe 1:15

A-Shipa alundumukanga; ambatanga eswe. Ashihanga ngamba eswe ni katana, yami wika nombokanga ngununehene liji.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Izaya 21:13

Liji lia kutwala ku Arabia ngwo, Enu yendo ya ku Ndetane, mu usaki wa Arabia munupomba.

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Ezekiel 27:15

Malunga a ku Rode asepele ni yena; akwa yifuchi ya ku mbaka jinji apwile e akwa kulanda ni yena a pundu. Akufwetele ni mazo a njamba ni ebone.

Ezekiel 27:20

Akwa Ndetane asepele ni yena mahina a kusa mushi lia selina ha kwenda ha kavwalu.

Ezekiel 27:22

Akwa kusepa a ku Shipa ni Raema asepele ni yena. Yuma ye ya kutalika ayilanjile ni milali yeswe ya tumbuto twa lupembo mupema, ni mawe a ndando yilemu, ni oru.