Ubutukilo 10:4 - MUKANDA USANDU WA ZAMBI 1975

⁴ Ni ana ja Yavwane a malunga wano, Elisha, ni Tashi, ni Kitime, ni Ndotane.

Mukanda Wa Zambi 1970

⁴ Ana ja Javane a malunga wano: akwa Elisha, ni akwa Espanya, ni akwa Shipre, ni akwa Rodese.

Ubutukilo 10:4 Iomraidhean Croise

Ubutukilo 10:5

Alitechelele mbaka ja mavungu hakachi ka wano mu yifuchi yo nikulita ni malimi jo ni minyachi yo ni mavungu jo.

1 Sango Ja Mianangana 1:7

Ni ana ja Yavwane a malunga wano: Elisha, ni Tashi, ni Kitime, ni Ndotane.

Izaya 23:1

Liji lia kutwala ku Teru ngwo, Lilenu mbimbi enu mato a Tashi, mumu hanenyeka Teru. Kukushi zuwo chipwe kuze mahasa kunjila! Chize ku chifuchi cha Kitime hanaalwezecho.

Izaya 23:12

Yamba ngwenyi, Ena mwana-pwo wa *virgem Sendone kanakupinjisa, kuchi kulikwiza nawa. Katuka uzauke ku Kitime, alioze chipwe kuze kuchi kuwana uhwimino.

Ezekiel 27:12

Akwa Tashi asepele ni yena mumu ha upite we unene wa milali yeka ni yeka. Yuma ye ya kutalika ayilanjile ni prata, ni utale, ni estanyu, ni shumbu.

Ezekiel 27:25

Mato a ku Tashi akwendelele nikumbata yuma ye ya kutalika. Chocho wazalile ni yiteli yilemu hakachi ka kalunga-lwiji.

Ezekiel 27:6

Ku mitondo ya carvalho ya ku Mbashane asongele yilapo ye. Akufukile ni mitondo ya pinyu ya ku mbaka ya Kitime ya kuwahisa ni milimo ya mazo a njamba.

Ezekiel 27:7

Hina lia kwendesa liapwile lia linyu lipema lia ku Engitu lia mbordado; liapwile nawa lia mbandeira. Hina lie lia chifuko liapwile lilauluka ni lia ufungo lia ku mbaka ja Elisha.

Daniel 11:30

Mumu mato a ku Kitime makeza kulimika nenyi, kashika makevwa kupiha, makahiluka, makevwa ufwatulo ni usendo usandu, makalinga upale wenyi. Makahiluka kunyima akapanjike kuli akwa kwehuka usendo usandu.

Kwalula 24:24

Alioze mato meza kukatuka ku mbaka ya Kitime. Kumakayindamisa Ashure, kumakayindamisa Epere. Kwonwona muchiheta kuli iye nawa.