Ubutukilo 1:9 - MUKANDA USANDU WA ZAMBI 1975

⁹ Zambi yamba ngwenyi, Meya aze ali kushi lia lilu aswile muma mumuwika, mavu omu asoloke. Yichipwa chocho.

Mukanda Wa Zambi 1970

⁹ Mba Mukulu Zambi yamba ngwenyi: “Meya waze ali kushi lia lilu aswile muma mumuwika hanga mavu asoloke.” Yichibwa chenacho.

Ubutukilo 1:9 Iomraidhean Croise

Ubutukilo 1:8

Zambi yaluka kuzazuluka ngwenyi, Lilu. Yikupwa chingoloshi, yikupwa chimene, tangwa liamuchiali.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Jobe 26:10

Hafunjika mufunda wa chikelula ha meya; ukapwe njiza ya mwalwa ni milima.

Jobe 26:7

Kakuzazulwila Norte homa hamokomoko. Kakuzezeleka hashi mu tetela.

Miaso (Masamu) 104:3

Wasela manguji a mazuwo jenyi mu meya; wakutenga malelwa temba lienyi lia jita; wakwenda ha mapulwa ja fuji.

Miaso (Masamu) 33:7

Iye kakukunga meya a kalunga-lwiji ngwe mulumba; kakutulika meya a mu jondo mu machila.

Miaso (Masamu) 95:5

Kalunga-lwiji niwenyi, iye wamutangile. Moko jenyi awumbile hashi homu nawa.

Longeshi 1:7

Yitwetwe yeswe kuyakunjila mu kalunga-lwiji hindu kalunga-lwiji kazalile; kuze yitwetwe yakuya kwenako yakuya nawa.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.

2 Petulu 3:5

Mumu chino ku upale wo ene kakuvulama ngwe kwapwile malilu chize ku shakulu, ni hashi haze lia meya ni mu meya, ku liji lia Zambi;

Usolwelo 10:6

Walishingile ni yoze mukwa mwono ndo ku miaka yeswe ya mutolo, yoze watangile lilu, ni yuma yize yilimo, ni hashi, ni yuma yize yiliho, ni kalunga-lwiji, ni yuma yize yilimo, ngwenyi, Kukuchi kapwa kushimbula nawa.