Ubutukilo 1:6 - MUKANDA USANDU WA ZAMBI 1975

⁶ Mba Zambi yamba ngwenyi, Hakachi ka meya hapwe kuzazuluka chikahandunune meya ni meya.

Mukanda Wa Zambi 1970

^6-7 Mukulu Zambi yamba nawa ngwenyi: “Kuzazuluka chibwe hanga chihandunune meya.” Necho yichibwa. Chenacho Mukulu Zambi atangile kuzazuluka. Necho yichihandununa meya kwilu ni hashi.

Ubutukilo 1:6 Iomraidhean Croise

Ubutukilo 1:14

Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Ubutukilo 1:20

Zambi yamba ngwenyi, Meya akazale ni yizavu ya akwa mwono. Tujila akahumuke helu lia hashi mu kuzazuluka cha lilu.

Jobe 26:13

Ni fuji jenyi wapemesene malilu; kwoko lienyi liatuwile lunoka wa tambu.

Jobe 37:11

Kakusa meya anji mu malelwa alemu; malelwa kakumwanga njaji jenyi.

Jobe 37:18

Ena te muhasa kuzazulula malilu ngwe iye halinga? Akakole ngwe katalilo wa kuzuzulula, nyi?

Miaso (Masamu) 104:2

Walifuka ni pangu ngwe uzalo; wazazulula malilu ngwe luhina.

Miaso (Masamu) 148:4

Muhalisenu enu malilu a malilu, ni yenu meya nwatwama helu lia malilu!

Miaso (Masamu) 150:1

Halisenu Yehova! Halisenu Zambi muma mwenyi musandu. Muhalisenu mu kuzazuluka cha ngolo jenyi.

Miaso (Masamu) 19:1

Malilu kakwambujola ulemu wa Zambi. Che kuzazuluka cha mwilu chakulweza utotombo wenyi.

Miaso (Masamu) 19:2

Tangwa ha tangwa kuliakuhanjika; ufuku ha ufuku kuwakulweza mana.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Longeshi 11:3

Nyi malelwa hazala ni vula, mamupukumwina hashi. Nyi mutondo muunungukina ku Sule hanji ku Norte, chiwanunguka chocho muupomba.

Izaya 40:22

Iye mwene katwama helu lia kujinguluka cha hashi, mba enyaho kanapu ngwe mapasu. Iye kakuzazulula malilu ngwe hina; kakwaala ngwe mbalaka ya kutwamamo.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 51:15

Iye watangile hashi ni tachi jenyi, wakolesele muno-muze ni mana jenyi, wazazulwile malilu ni chinyingi chenyi.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

2 Petulu 3:5

Mumu chino ku upale wo ene kakuvulama ngwe kwapwile malilu chize ku shakulu, ni hashi haze lia meya ni mu meya, ku liji lia Zambi;