Ubutukilo 1:29 - MUKANDA USANDU WA ZAMBI 1975

²⁹ Zambi yamba ngwenyi, Talenu hinanwaha yiputa yakwima mbuto yili hashi heswe, ni mitondo yeswe yize yikwete mihuko yakwima mbuto. Yeswe muyipwa ya kulia kuli yenu.

Mukanda Wa Zambi 1970

²⁹ Mba Mukulu Zambi yamba ngwenyi: “Talenu, ngunanwehe milali yeswe ya mbuto ni ya mawundu, yibwe yakulia yenu.

Ubutukilo 1:29 Iomraidhean Croise

Ubutukilo 2:16

Yehova Zambi yamba kuli mwe mutu ngwenyi, Ku mitondo yeswe ya mu munda muhasa kulia chawana,

Ubutukilo 6:21

Twala nawa kulia cheswe munulia, ukachikunge kuli yena, chikapwe kulia kuli yena ni kuli ayo.

Ubutukilo 9:3

Tushitu eswe akwenda ni mwono kumapwa kulia che, ngwe nakuhele mafwo a wisu chocho ngunakwehe yeswe.

Jobe 36:31

Mumu ni yino yuma kakuyula mavungu; kakuhana kulia cha kulumbama.

Miaso (Masamu) 111:5

Hanahana kulia kuli waze akumuvwila woma. Kumakewuluka usendo wenyi matangwa eswe.

Miaso (Masamu) 115:16

Malilu o malilu a Yehova, alioze hashi hakunjika kuli ana ja atu.

Miaso (Masamu) 136:25

Kakuhanahana kulia kuli akwa musunya eswe; mumu utu wa zango lienyi wa mutolo.

Miaso (Masamu) 146:7

Yoze wakupatwila akwa luyinda. Yoze wakuhana kulia kuli akwa zala. Yehova kakutusula funge.

Miaso (Masamu) 147:9

Kakuhana kulia kuli tushitu, ni kuli ana ja yikwakwalo muze mateta.

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Izaya 33:16

Makatwama kwilu, kuma kwenyi kwa kulitunga mukukapwa mu mbonge ja yimawe. Mbolo yenyi mamwahayo, meya jenyi kechi kahona.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Mateu 6:11

Twehe kama musono mbolo yetu yize twakufupafupa.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Yilinga 17:28

mumu Muli iye, tuli ni mwono, muli iye twakwenda, muli iye tuli ni kupwa chetu; nikulita ngwe chipwe amwe a kuli akwenu akwa kutomba miaso hanambe ngwo, Mumu yetu tuli ana jenyi nawa.

1 Timoteu 4:3

Kakukanjisa kumbata, kakujilika kulia, chize Zambi hanatange hanga akwa kufuliela, waze akunyingika liakulu umwenemwene, akachitambule ni kusakwila.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.