Ubutukilo 1:28 - MUKANDA USANDU WA ZAMBI 1975

²⁸ Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Mukanda Wa Zambi 1970

²⁸ Yaawahisa, yaamba ngwenyi: “Semenu, nuliokese, nuzalise hashi heswe ni kuyula ho. Nuyule yishi a mu kalunga lwiji, ni tujila a mu tetela, ni tushitu eswe akwenda hashi.

Ubutukilo 1:28 Iomraidhean Croise

Ubutukilo 1:22

Mba Zambi yaawahisa ngwenyi, Semenu nuliokese, nukazalise meya a mu kalunga-lwiji. Tujila aliokese hashi.

Ubutukilo 17:16

Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 17:20

Alioze ha kutwala kuli Ishemali, hinakwivwa, hinamuwahisa. Iye kumapwa semi, mungukamwokesa kuhiana. Kumi lia mianangana ni mianangana aali makasema. Mungukamupwisa vungu linene.

Ubutukilo 24:60

Yawahisa Rebeka ngwo, Ndumbwetu ukapwe semi ya tununu ni makumi a tununu. Munyachi we akazuke chajilo cha akwa kole jo.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 33:5

Iye yahetula meso, yamona mapwo ni ana, yamba ngwenyi, Wano uli no aya? Iye yakumbulula ngwenyi, Wano e ana Zambi hahana mu vumbi lienyi kuli yami kavumbi ke.

Ubutukilo 49:25

Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

Ubutukilo 5:2

Yaatanga lunga ni pwo. Yaawahisa nikwaluka jina ngwenyi, Alama, ha tangwa lize yaatanga.

Ubutukilo 6:1

Mba muze atu aputukile kwoka hashi nikusema ana a mapwo,

Ubutukilo 8:17

Tuhuka ni a mwono eswe aze uli no a musunya weswe, ni tujila, ni yimuna, ni akwa kukalala aze akukalala hashi, akaseme chinji hashi, akaliokese, akalumbame hashi.

Ubutukilo 9:1

Zambi yawahisa Noe ni anenyi, yamba kuli ayo, ngwenyi, Semenu, nuliokese, nukazalise hashi.

Ubutukilo 9:7

Alioze yenu, semenu, nukaliokese, nukapwe anji hashi nikulumbama.

1 Sango Ja Mianangana 26:5

wamuchisambano Amiele, wamuchishimbiali Isaka, wamuchinake Puletai, mumu Zambi Wamuwahishile.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Jobe 39:11

Mumufuliela mumu kali ni tachi? Munukunjika milimo ye?

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Miaso (Masamu) 107:38

Kakwawahisa nawa akaliokese chikolo. Chipwe yimuna jo kechi kwatayiza katepuluka.

Miaso (Masamu) 115:16

Malilu o malilu a Yehova, alioze hashi hakunjika kuli ana ja atu.

Miaso (Masamu) 69:34

Ni lilu ni hashi yikamuhalise, ni tulunga-lwiji ni waze eswe akwendamo.

Miaso (Masamu) 8:6

Wamwaha chiyulo ha yitanga ya moko je; hiwasa yuma yeswe kushi lia yiliato yenyi.

Miaso (Masamu) 8:7

Ni mapanga eswe, ni ngombe eswe, ewa, ni tushitu eswe a mu yambu.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Alevi 26:9

Mungununyonga; mungunupwisa semi; mungunwokesa. Mungukolesa usendo wami ni yenu.

1 Timoteu 4:3

Kakukanjisa kumbata, kakujilika kulia, chize Zambi hanatange hanga akwa kufuliela, waze akunyingika liakulu umwenemwene, akachitambule ni kusakwila.